წერილი მაიკ პომპეოს – როგორია თავდაცვის ექსპერტების მოლოდინები

უსაფრთხოებისა და საგარეო პოლიტიკის სფეროში ექსპერტთა ნაწილი საქართველოში ვიზიტის წინ ამერიკის სახელმწიფო მდივანს, მაიკ პომპეოს საქართველოში, აშშ-ის შეიარაღებული ძალების მუდმივად განთავსებას სთხოვს. პომპეოს მათ ვიზიტამდე ერთი დღით ადრე წერილით მიმართეს. 

“საქართველოზე გადის ნატოს საზღვარი, თურქთის საზღვარს ვგულისხმობ ბუნებრივია და ერთგვარი დამცავი ფარი უნდა შეიქმნას, მეორე, ეს არის სტრატეგიული ენერგოპორექტები, რომლებსაც, ასევე, დამცავი ფარის და გარანტიების შემქნა სჭირდებათ, მესამეს, ეს არის ქართული სახელმწიფო, როგორც დასავლური სამყაროს სტატეგიული პარტნიორი ქვეყანა”, – თქვა თავდაცვის ყოფილმა მინისტრმა, თინა ხიდაშელმა.

მისი თქმით, ამ წერილის ერთ-ერთი მიზანი სწორედ ისაა, რომ ხელისუფლებას საქმე გაუმარტივონ, რადგან “ქართულ ოცნებას” მსგავსი პოზიციები არასდროს ჰქონია.

“ვნახეთ ყარაბაღის ომი როგორ გამოიყენა რუსეთმა და ფაქტიურად მივიღეთ ერთი დამატებითი სამხედრო ბაზა ჩვენ სამხრეთ ტერიტორიაზე, ეს ცარიელი ბაზა არაა, ყველანი მოველით ალბათ, რომ ამის შემდეგ საქართველოზე უფრო მეტი ზეწოლა იქნება, რათა დაიყოლიოს ისეთ ნაბიჯებზე რაც ჩვენ ინტერესში არ შედის”, –  ამბობს ექსპერტი.

საქართველოს ანალიტიკური საბჭოს გამგეობის თავმჯდომარის მოადგილის, ბათუ ქუთელიას განცხადებით, საქართველოში ამერიკული სამხედო კონტიგენტის განთავსება ჩვენ უსაფრთხოებას გაზრდის და ნატოში გაწევრიანებას დააჩქარებს.

შეგახსენებთ, რომ მაიკ პომპეო ორდღიანი ვიზიტით საქართველოს დღეს, 17 ნოემბერს ეწვევა.

ვიზიტის ფარგლებში, ის პრეზიდენტს, პრემიერს, საგარეო საქმეთა მინისტრსა და პატრიარქს შეხვდება. გარდა ამისა,  აშშ–ის სახელმწიფო დეპარტამენტში გამართული ბრიფინგის შემდეგ ცნობილი გახდა, რომ პომპეო სამოქალაქო სექტორის წარმომადგენლებსაც შეხვდება და საუბრის მთავარი თემა, თავისუფალი სასამართლო იქნება.

ოპოზიცია ვიზიტის დროს განსხვავებული ფორმატის აქციის ჩატარებას გეგმავს.

გააზიარეთ და მოიწონეთ სტატია:

მსგავსი სტატიები:

“პირდაპირ ბახმაროში იგეგმება “ბახვი 1″ჰესის მშენებლობა” ფოლკლორის სახელმწიფო ცენტრს ანზორ ერქომაიშვილის სახელი მიენიჭება “ხვალ ჩემი დაბადების დღეა, დღეს მნიშვნელოვან საჩუქრად, ჩემი ზღაპრების ახალი წიგნი გამოვიდა” ქვეყნები, საიდანაც საქართველოში ბანანი შემოდის – პროდუქტი, შესაძლოა, მსოფლიო ბაზრიდან გაქრეს “აგრესიაში მხოლოდ აგრესია იბადება..მეტი სიკეთე ვცადოთ, აუცილებლად გამოგვივა!.. ოზურგეთში ვახტანგ ბლაგიძის სახელობის “ქუჩის კალათბურთის” მე-3 ტურნირი გაიმართა გოგოს და ბიჭის ყველაზე იშვიათი და უცნაური სახელები საქართველოში “ვერაფრით ვერ ვხვდები, რა შედეგზეა გათვლილი „პრაიდის“ გამართვა.