სამუხის ველზე ქურციკების უკვე მეშვიდე თაობა დაიბადა დღეისთვის რაოდენობამ 200 ინდივიდს გადააჭარბა.
ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.
მათივე ინფორმაციით, გარემოს დაცვისა და სოფლის მეურნეობის სამინისტროს დაცული ტერიტორიების სააგენტოსა და ბუნების დაცვის მსოფლიო ფონდის (WWF) ერთობლივი პროექტი, რომელიც საქართველოში ქურციკების პოპულაციის აღდგენას გულისხმობს, წარმატებით ხორციელდება.
„ქურციკის, იგივე ჯეირნის ულამაზესი სახეობა, რომელიც 60-იან წლებამდე საკმაოდ მრავლად იყო გავრცელებული, ურბანიზაციისა და ბრაკონიერობის შედეგად გადაშენდა. გარემოს დაცვისა და სოფლის მეურნეობის სამინისტროს დაცული ტერიტორიების სააგენტოს ჩართულობით, 2013 წელს, ქურციკის პოპულაციის აღდგენის პროექტი დაიწყო. პირველი თაობა, 10 ინდივიდი, აზერბაიჯანიდან, შირვანის ეროვნული პარკიდან შემოიყვანეს და რამდენიმე ათეული წლის შემდეგ პირველად, ისტორიულ გარემოში – სამუხის ველზე გაუშვეს.
დაცული ტერიტორიების სააგენტო და ბუნების დაცვის მსოფლიო ფონდი (WWF) მუდმივად ახორციელებენ მონიტორინგს და დაკვირვებას ვაშლოვანის დაცულ ტერიტორიებზე, რაც როგორც ქურციკების რაოდენობის შესწავლას, ისე მათთვის უსაფრთხო გარემოს უზრუნველყოფას გულისხმობს. ქურციკის აღდგენა დღეისათვის საქართველოს გარემოსდამცველების ერთ-ერთი მთავარი პრიორიტეტია. ივრის ზეგანზე ეკოსისტემების გაჯანსაღება ამ ცხოველის გარეშე შეუძლებელია.
ქურციკის, იგივე ჯეირნის აღდგენის პროექტი საქართველოს მთავრობისა და ბუნების დაცვის მსოფლიო ფონდის (WWF) ინიციატივით, გერმანიის მთავრობის (KfW) ფინანსური მხარდაჭერითა და აზერბაიჯანის მთავრობის აქტიური ჩართულობით ხორციელდება“ , – ნათქვამია ინფორმაციაში.
მსგავსი სტატიები:
“თუ ბავშვების ვაქცინაცია არ მოხდა, პანდემიის დასრულება რთული იქნება”
“თვეში გვიხდიან 200-300 ლარს, ამ დროს ერთი ტომარა ფქვილი ას ლარს უსწორდება” – პროტესტის მეოთხე დღე “გულისტანში
როგორი ამინდია მოსალოდნელი საქართველოში
თავი ვალდებულად ჩავთვალე რომ ეს დამეწერა-რას წერს ისრაელში მყოფი ოზურგეთელი გოგონა
ბოლო ზარის ჩატარებაზე განათლების სამინისტრო რეკომენდაციებს აქვეყნებს
“ილიაც ესაა და აკაკიც…” – ლაგოდეხის მერმა ბავშვთა სახელმძღვანელოში საკუთარი ფოტო განათავსა
ჩემპიონი ლუკა ჯავახაძე საქართველოშია!
თავდასხმა ჰომოფობიურ ნიადაგზე | ბათუმში ბერლინელ დიჯეის სცემეს