ლანჩხუთში პირუტყვის მასიურ ქურდობებს აპროტესტებენ

დღეს, ლანჩხუთის  პოლიციის შენობის წინ 30-მდე ადგილობრივი ფერმერი შეიკრიბა და საპროტესტო აქცია გამართა.

აქციის მონაწილეებმა, ლანჩხუთის მუნიციპალიტეტში მსხვილფეხა რქოსანი პირუტყვის,  საქონლისა და კამეჩის მასიური ქურდობები გააპროტესტეს.

მათი განცხადებებით, თითქმის, ყოველდღიურად, მასიურად ხდება მოპარვა მსხვილფეხა რქოსანი პირუტყვების, რაც უდიდეს დარტყმას აყენებს ამ დარგს.

აქციის მონაწილეები, პოლიციას იმდენად არ ადანაშაულებენ, რამდენადაც ხელისუფლებას. რადგან  აცხადებენ, რომ ხშირია ფაქტები, როცა პოლიცია აკავებს ქურდს, მაგრამ  „ზემოდან ზარის გამო“, ისინი უშვებენ   დაკავებულს.

მიმდინარე აქციას შემოუერთდა ადგილობრივი ოპოზიციაც. ოპოზიციის ერთ-ერთი ლიდერი, კახა ასკურავას გაცხადებით, ეს ყველაფერი იმის ბრალია, რომ  შესაბამისი უწყებები, კერძოდ, შინაგან საქმეთა სამინისტრო პოლიტიკური ოპოზიციის  დევნითაა დაკავებული, ამ დროს კი, ქურდობები უყურადღებოდ რჩება.

ადგილობრივ არჩევნებში, ლანჩხუთის მერის კანდიდატი, ლია მუხაშავრია ერთ-ერთ პრობლემად თვითმმართველობის  სისუსტეს ასახელებს და ამბობს, რომ აუცილებელია ისეთი ხელმძღვანელი პირები, როგორიც პოლიციის უფროსია, არჩევითი იყოს და ამ შემთხვევაში, ის იძულებული გახდება უფრო მეტად დაემორჩილოს ხალხის ნებას და არა ზარებს  ზემოდან.

გააზიარეთ და მოიწონეთ სტატია:

მსგავსი სტატიები:

ვინ არის ლანჩხუთელი ასტროფიზიკოსი, რომელიც დიდ ბრიტანეთში მოღვაწეობს? ანსამბლი “რეხეული” ესპანელი რეჟისორის ფილმში მოხვდა კაზაკებს გურულებს უძახდენ რას უშვება ჰესები მდინარეებს-ფოტოამბავი გუბაზოულიდან სასაფლაოები ლანჩხუთშიც გაძარცვეს გურიის მეაბრეშუმეობის ისტორიიდან – სავაჭრო-სამრეწველო ამხანაგობა „შუამავალი“ “გადავწყვიტეთ გურიაში დავაარსოთ ხანდაზმულთა შეხვედრისა და გართობის ცენტრი – ,,კუნკურეხა”” ოზურგეთის მერის პოსტზე ხელისუფლება მოისწრაფიშვილისა და ჭელიძის  კანდიდატურებს განიხილავს