ღარიბაშვილი: ჰაერიდან არ მითქვამს, რომ ეკონომიკა დუღს

“რაც შეეხება, რომ ეკონომიკა დუღს, კარგად დაგიმახსოვრებიათ ჩემი ნათქვამი, შესაძლოა, უტრირებულად ვთქვი, მაგრამ თუ გადახედავთ, ჰაერიდან არ მითქვამს ეს. 2007 წლის შემდეგ ჩვენს ქვეყანას ორნიშნა ეკონომიკური ზრდა არ გვქონია. რა თქმა უნდა, ეს ფაქტი მე მახარებს, ვინაიდან ჩემს დროსაც მოხდა და ბედნიერი ვარ, ვინაიდან უფრო მეტი სამუშაო ადგილი შეიქმნა, უფრო მეტი ზრდა იყო ეკონომიკის. მილიარდ ორასი მილიონით გავზარდე ბიუჯეტი სულ რაღაც ექვს თვეში. ლარის კურსი დასტაბილურდა, გამყარდა, ეს ყველაფერი მახარებდა და ეს შეჯამებულად ვთქვი, რომ ეკონომიკა სწრაფი აღმავლობის გზაზე დგას და ასეც არის. ეს მხოლოდ მე არ მითქვამს, ეს თქვეს საერთაშორისო ორგანიზაციებმაც, ყველამ, რომ საქართველოს ეკონომიკა იმაზე სწრაფად აღდგა და ვითარდება, ვიდრე ეს იყო დაგეგმილი”.

თქვა პრემიერმინისტრმა ირაკლი ღარიბაშვილმა იმედის ეთერში. მანამდე, 13 აგვისტოს წინასაარჩევნო შეხვედრაზე ღარიბაშვილმა თქვა, რომ ქვეყანაში “ეკონომიკა დუღს, მუშაობს”

გააზიარეთ და მოიწონეთ სტატია: