საქართველოს 8 ერში თამაში გადაწყვეტილია! ეს უახლოეს პერიოდში გამოცხადდება

საქართველოს მორაგბეთა ეროვნული ნაკრების ექსპერიმენტულ 8 ერში ჩართვა გადაწყვეტილი ამბავია და ბორჯღალოსანთა კალენდარიც შეთანხმებულია. ამასთან, ცნობილია ისიც, რომ ქართველ მორაგბეებს ჯგუფურ ეტაპზე მეტოქეები შეეცვალათ. ამ თემაზე არაერთი ცნობილი ბრიტანული გამოცემა წერს, რომელთაგან Telegraph-ი და Walesonline-ი უნდა გამოვარჩიოთ.

შეგახსენებთ, რომ მიმდინარე წლის შემოდგომაზე ერთჯერადი შეჯიბრის ჩატარების საკითხი დღის წესრიგში მას შემდეგ დადგა, რაც კორონავირუსის პანდემიის გამო, კალენდარი სარაგბო სამყაროსაც აერია. თავიდანვე შემუშავეული იქნა ტურნირის სქემა, სადაც 6 ერის წევრ ქვეყნებს 2 მიწვეული ნაკრები უნდა დამატებოდა. ამ საკითხთან მიმართებაში საქართველოც არაერთხელ ახსენეს (ფიჯისთან, იაპონიასთანა და სამხრეთ აფრიკასთან ერთად), ახლა კი, როგორც სჩანს, ყველაფერი გადაწყვეტილია. იაპონელთა და აფრიკელთა უარის შემდეგ, შეჯიბრის ორგანიზატორებს “ბორჯღალოსანთა” მიწვევის გარდა, სხვა არჩევანი აღარც ჰქონდათ.

A ჯგუფი: ინგლისი (3*), ირლანდია (4), უელსი (6), საქართველო (12) B ჯგუფი: საფრანგეთი (5), შოტლანდია (8), ფიჯი (11), იტალია (14)

როგორც Telegraph-ი წერს, ტურნირის ოფიციალური განრიგი და ისიც, რომ მასში მონაწილეობას საქართველოს ნაკრებიც მიიღებს, უახლოეს ორ კვირაში გამოცხადდება, თუმცა, უკვე ცნობილი ხდება, რომ “ბორჯღალოსნები” ჯგუფში ინგლისთან, უელსთანა და ირლანდიასთან ითამაშებენ და არა, საფრანგეთთან, შოტლანდიასთანა და ფიჯისთან, როგორც თავიდან იყო ნავარაუდევი. შესაბამისად, მე-2 ოთხეულში ფიჯის ეროვნული გუნდი ჩაჯდება.

აღნიშნული ვებ-გვერდივე იუწყება, რომ ინგლისის ნაკრებს პირველი შეხვედრა სწორედ საქართველოსთან აქვს დაგეგმილი. აღნიშნული 14 ნოემბერს ლეგენდარულ თვიქნემზე მოხდება და ეს, გუნდების მე-3 დაპირისპირება იქნება. “ბორჯღალოსნები” და “ვარდები” ერთმანეთს 2003 და 2011 წლების მსოფლიო თასებზე შეხვედრიან და ორივე შემთხვევაში, ბრიტანელების უპირატესობა აშკარა იყო: 84:6, 41:10.

უკვე Walesonline-ი გვატყობინებს, რომ საქართველოს მორაგბეთა ნაკრებს 8 ერზე მე-2 მატჩი 21 ნოემბერს უელსთან ექნება, თუმცა, ამ შეხვედრის ჩატარების ადგილი, ჯერჯერობით, უცნობია. “დრაკონები” საშინაო მატჩებს Principality Stadium-ზე ატარებენ, თუმცა, პანდემიის ჟამს ეს გრანდიოზული სარბიელი საავადმყოფოდ გადაკეთდა და დიდი ალბათობით, უკეთესი სიტუაცია არც ნოემბერში იქნება. უელსელები სათადარიგო ვარიანტად Parc y Scarlets-ს განიხილავენ, რომელიც ლანელიში მდებარეობს და 15 ათასამდე მაყურებელს იტევს. შეგახსენებთ, რომ ქართველ მორაგბეებს უელსელებთან 2-ჯერ უთამაშიათ და ორივე შეხვედრა ბოლო პერიოდში ჩატარდა: 2017 წელს კარდიფულ ტესტ-მატჩში მხოლოდ 6:13 დავმარცხდით, 2019 წლის მსოფლიო თასზე კი, იაპონიაში, მეტოქის უპირატესობა უფრო თვალსაჩინო იყო – 14:43.

უელსური გამოცემა კიდევ ერთ საინტერესო დეტალს ამხელს. როგორც სჩანს, 8 ერის ჯგუფური ეტაპის დასრულების მერე არა მხოლოდ ფინალური მატჩი ჩატარდება, არამედ, ყველა ადგილი გათამაშდება. შესაბამისად, თუკი საქართველომ ჯგუფში მე-4 პოზიცია დაიკავა (დიდი ალბათობით, ასეც იქნება), მე-2 ჯგუფის აუტსაიდერს შეხვდება, ეს კი, თავის გამოჩენის დამატებითი საშუალებაა.

ამგვარად, ბორჯღალოსნებს ტურნირზე დასკვნითი მატჩის ჩატარება 5 დეკემბერს მოუწევთ და ამავე დღესვე ჩემპიონის ვინაობასაც შევიტყობთ, მანამდე კი, 28 ნოემბერს, საქართველოს ნაკრები ჯგუფური ეტაპის დასკვნით შეხვედრას ირლანდიასთან ჩაატარებს. “ბორჯღალოსნებს” “სამყურებთან” ოთხივე გასული შეხვედრა წაგებული აქვთ: 1999 წლის მსოფლიო თასის კვალიფიკაციაში – 0:70, 2003 წლის მსოფლიო თასის კვალიფიკაციაში – 14:63, 2007 წლის მსოფლიო თასზე – 10:14 და 2014 წლის ნოემბრის ტესტებზე – 7:49.

გააზიარეთ და მოიწონეთ სტატია:

მსგავსი სტატიები

  • 83
    ამ არჩევნებს ამერიკის მთავრობა განსაკუთრებული ყურადღებით აკვირდება - სახელმწიფო დეპარტამენტის წარმომადგენელი„31 ოქტომბრის არჩევნები იქნება კრიტიკულად მნიშვნელოვანი ნაბიჯი იმის დემონსტრირებისთვის, თუ რამდენად ერთგულია საქართველო დემოკრატიული განვითარების გზის მიმართ. თავისუფალი და სამართლიანი არჩევნები, რომელიც შეესაბამება საერთაშორისო სტანდარტებს და გამოხატავს ქართველი ხალხის ნებას, გააძლიერებს დემოკრატიულ სტაბილურობას და საქართველოს კავშირებს არა მხოლოდ შეერთებულ შტატებთან, არამედ ევროკავშირთან და ზოგადად, დასავლეთთან“, – ამბობს შერილ ფერნანდესი, ამერიკის…
    Tags: და, რომ
  • 83
    “გახარია თითქმის დაადგა იმ კურსს, რასაც ნაციონალური მოძრაობა ადგა“–არქიმანდრიტი კირიონი რუკების საქმეზედავით გარეჯის მამათა მონასტრის არქიმანდრიტი  კირიონ ონიანი, რომელიც ე.წ. კარტოგრაფების საქმეში მთავარი მოწმეა, აცხადებს რომ ყველაზე სწორად ამ საკითხებს ირაკლი ღარიბაშვილი და მამუკა ბახტაძე უდგებოდნენ, გიორგი გახარია კი “თითქმის, ლამის იმ გზას დაადგა, რასაც ნაციონალური მოძრაობა ადგა”. ალტ ინფოზე გადაცემაში სტუმრობისას კირიონმა  ილაპარაკა დავით გარეჯის საკითხზე, სადემარკაციო კომისიის მუშაობასა და პრემიერმინისტრების დამოკიდებულებებზე. მისი თქმით,…
    Tags: და, რომ, მე
  • 77
    კედლის მხატვრობა Associò, ცხოვრება და შემოქმედება- მხატვარი ლევან სონღულაშვილილევან სონღულაშვილი ახალგაზრდა ქართველი მხატვარია, რომელმაც მოკლე პერიოდში თავბრუდამხვევ წარმატებას მიაღწია დასავლურ სახელოვნებო წრეებში. ის დღეს ნიუ-იორკში ცხოვრობს და მოღვაწეობს.  მისი ნამუშევრები უკვე მსოფლიო სახელოვნებო ინსტიტუციების ყურადღების ცენტრშია მოქცეული. თბილისის სამხატვრო აკადემიის დასრულების შემდეგ ლევანი უორჰოლის დაარსებული “ნიუ-იორკის არტ-აკადემიის” პირველი ქართველი მაგისტრი გახდა. აკადემიის ცნობილმა გამოფენა-აუქციონმა – Tribeca Ball 2015-მა…
    Tags: და
  • 77
    „როგორ აღვზარდოთ ფსიქიკურად ჯანმრთელი ბავშვები“გამოწვევები, სირთულეები და რეგრესული პერიოდი ყველას ცხოვრებაში გარდაუვალია. მასთან გამკლავება თითოეულ ინდივიდს მოუწევს, თუმცა, ჩვენ შეგვიძლია დავეხმაროთ ბავშვებს, რომ შედარებით უმტკივნეულოდ, უშფოთველად დაძლიონ სირთულეები და კრიტიკულ ვითარებაშიც კი შეინარჩუნონ სიმშვიდე. ყოველდღიურ საზრუნავზე, შვილის საშინაო დავალებებზე და სკოლაში მიღებულ ქულებზე ფიქრის გამო მშობლებს ხშირად ავიწყდებათ, რომ ბავშვები შესაძლოა ვერ ავითარებდნენ სათანადო…
    Tags: და, რომ

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *