ზუგდიდში მთავარი საარჩევნო დესანტი იყო, ეს გადადგომა დომინოს პრინციპით იმოქმედებს – ნიკა გვარამია რაფავას გადადგომაზე

ჭაბუკა რაფავას თანამდებობიდან გადადგომას “მთავარი არხის” გენერალური დირექტორი ნიკა გვარამია ეხმაურება და მისი საქმიანობის შესახებ წერს:

‘შსს გენინსპექციის უფროსის მოადგილე, ჭაბუკა რაფავა გადადგა საარჩევნო ზეწოლის გამო.

ეს ის ჭაბუკა რაფავაა, ვინც ზუგდიდში მთავარი საარჩევნო დესანტი იყო სანდრა რულოვსის არჩევნების დროს და შარშანდელი საპარლამენტო არჩევნების დროს.

მიხვდა კაცი.

ეს გადადგომა დომინოს პრინციპით იმოქმედებს.

ძალიან მალე ყველა მიხვდება და ყველა შესაბამისად იმოქმედებს.

ps ყველა. მაგრამ იმედი არ მაქვს, რომ ტვ იმედი საერთოდ მიხვდება.-” წერს ნიკა გვარამია

შეგახსენებთ,  “მთავარი არხის” ინფორმაციით, თანამდებობა პროტესტის ნიშნად დატოვა შსს-ის გენერალური ინსპექციის უფროსის მოადგილემ  ჭაბუკა რაფავამ.

გააზიარეთ და მოიწონეთ სტატია:
Pin Share