“დემოკრატიული ქვეყნები პრეზიდენტებს ციხეში არ უშვებენ” – დევიდ სმიტის განცხადება მიხეილ სააკაშვილზე

საქართველოში საერთაშორისო უსაფრთხოების მრჩეველთა საბჭოს ყოფილი წევრი, საქართველოს უშიშროების საბჭოსა და თავდაცვის სამინისტროს ყოფილი მრჩეველი, დევიდ სმიტი მიხეილ სააკაშვილის დაკავებასა და შიმშილობასთან დაკავშირებით განცხადებას ავრცელებს. 

წერს, რომ საფრთხე, რომელიც მიხეილ სააკაშვილის ჯანმრთელობას ემუქრება, შესაძლოა საქართველოში გლობალურ კრიზისში გადაიზარდოს. მისი თქმით, მიხეილ სააკაშვილი საპატიმროდან დაუყოვნებლივ უნდა გათავისუფლდეს.

“ყოფილი პრეზიდენტი მიხეილ სააკაშვილი, 2003 წლის რევოლუციის ლიდერი, კაცი, რომელმაც დაამტკიცა, რომ პოსტსაბჭოთა დემოკრატია შესაძლებელია, საქართველოს ციხეში სიკვდილთან ახლოს არის. ის 2 ოქტომბრიდან შიმშილობს. გარდა ადამიანური ტრაგედიისა, მისი გარდაცვალება შესაძლოა, გლობალურ პოლიტიკურ კრიზისში გადაიზარდოს – საქართველოს ახლანდელი მთავრობა, რისკავს, რომ პოლიტიკური პატიმარი მათ ხელში მოკვდეს. სააკაშვილი უნდა გათავისუფლდეს ციხიდან და გადაიყვანონ მაღალტექნოლოგიურ კლინიკაში დაუყოვნებლივ. მას დაუყოვნებლივ უნდა აღუდგინონ საქართველოს მოქალაქეობა, – ნათქვამია განცხადებაში.

დევიდ სმიტმა განცხადებაში 2003 წლის რევოლუციაზეც ისაუბრა და თქვა, რომ ვარდების რევოლუციამ ქვეყანაში იმედი შემოიტანა. მისი თქმით, თუ მიხეილ სააკაშვილის საქმეებში რამე გამოსაძიებელია, ეს სამართლიან პირობებში კანონის დაცვით უნდა მოხდეს. როგორც მან აღნიშნა, დემოკრატიულ ქვეყნებში ყოფილ პრეზიდენტს ციხეში არ უშვებენ.

ყველას, ვინც საქართველოშ 2003 წლამდე ცხოვრობდა ახსოვს – კორუფცია, სიღარიბე, ჩამოშლილი სტრუქტურები, რუსული აგრესია, შუქის ჩაქრობა და გაურკვეველი მომავალი. საქართველო იყო კუნძული პოსტსაბჭოთა არქიპელაგში, ქვეყანა, იმედის გარეშე. ვარდების რევოლუციამ შემოიტანა იმედი… თუ რამე არის გამოსაძიებელი და გასასამართლებელი, მაშინ ეს უნდა განხორციელებულიყო უშუალოდ კანონის უზენაესობის მკაცრი დაცვით. დემოკრატიული ქვეყნები არ უშვებენ ყოფილ პრეზიდენტებს ციხეში.

გასაკვირი არ არის, რომ სააკაშვილის მომხრეები და ოპონენტები გამოვიდნენ თბილისისა და საქართველოს სხვა ქალაქების ქუჩებში. ეს არის პოლიტიკური არეულობა, რომელიც არ მოიხსნება ხელოვნური გადაწყვეტილებებით, განსაკუთრებით საქართველოს ფარგლებს გარეთ. აქ მხოლოდ ერთი გზაა – გაათავისუფლეთ სააკაშვილი და მიეცით ქართველებს საშუალება გადაწყვიტონ თავიანთი ქვეყნის შემდეგი ნაბიჯები საარჩევნო ყუთში, – ნათქვამია განცხადებაში.

ცნობისთვის, უკვე 31-ე დღეა საქართველოს მესამე პრეზიდენტი, მიხეილ სააკაშვილი საპატიმროში პროტესტის ნიშნად შიმშილობს. “ოცნების” ხელისუფლებამ ის 1 ოქტომბერს დააკავა.

ტვ მთავარი

გააზიარეთ და მოიწონეთ სტატია:

მსგავსი სტატიები:

არჩევნები და ოდეერები-ვის სად და რა ინფორმაციის გატანა ევალება? ტროლ-ბოტების ახალი საწარმო POST TV-ის ბაზაზე მდებარეობს-შაბათის ფორმულა კახიძე: ევროსაბჭო მერაბიშვილის ციხიდან გაყვანაზე პასუხისმგებელი პირების დასჯას ითხოვს “მე არსად წასვლას არ ვაპირებ, მე ვაპირებ პოლიტიკაში დარჩენას კიდევ დიდი ხანი” “ფეისბუქი” გავუთიშე ჩემ ცოლ-შვილს, რომ ის ჭუჭყი არ მოესმინათ და გაეგოთ რასაც ჩემზე ამბობდნენ” – ალეკო ელისაშვილი გოლეთიანი ივანიშვილზე-მისი სახელის ხსენება ამ პროექტთან უადგილოა “მოვითხოვთ, ხელისუფლებამ უზრუნველყოს მიხეილ სააკაშვილის ჯანმრთელობა და პირადი უსაფრთხოება” – ენმ-ის განცხადება სააკაშვილის პატიმრობა და მარგველაშვილის შეთავაზება ზურაბიშვილს – ითამაშებენ თუ არა გადამწყვეტ როლს ექსპრეზიდენტი და მოქმედი პრეზიდენტი პოლიტიკური კრიზისის დაძლევაში?