“თქვენ გევალებათ ბოლომდე იბრძოლოთ ქართული სახელმწიფოს პრესტიჟის დასაბრუნებლად… ჯერ არ დამდგარა იარაღის დაყრის და საფეთქელში ტყვიის დახლის დრო” – საზღვარგარეთ მოღვაწე ქართველი ექიმი, ზურაბ გურული საქართველოს მესამე პრეზიდენტს, მიხეილ სააკაშვილს წერილით მიმართავს.
ის წერს, რომ წინ კიდევ ბევრი გადამწყვეტი ბრძოლაა და ქვეყანას ცოცხალი მთავარსარდალი სჭირდება.
ბატონო პრეზიდენტო,
სამწუხაროდ, ჩვენ ვერ შევდექით სახელმწიფოდ და საზოგადოებად. ჯერ კიდევ ვერ ვისწავლეთ ფატალური შეცდომებიდან საჭირო დასკვნების გამოტანა. ისევ გავამასხრეთ დემოკრატიის ბაზისური პრინციპები. ისევ შევილახეთ ეროვნული თავმოყვარეობა მთელი მსოფლიოს წინაშე. ვაჩვენეთ, რომ ადამიანური დიდსულოვნებისაგანაც დავცლილვართ და დიპლომატიისა და პოლიტიკის ელემენტარულ საწყისებსაც ვერ ვაკმაყოფილებთ.
თქვენ გევალებათ ბოლომდე იბრძოლოთ ქართული სახელმწიფოს პრესტიჟის დასაბრუნებლად; ვალდებული ხართ როგორც მთავარსარდალი. ჯერ არ დამდგარა იარაღის დაყრის და საფეთქელში ტყვიის დახლის დრო. თუ და როცა დადგება, გარწმუნებთ, მარტო არ იქნებით. საკმარისად დარჩნენ თავმოყვარე ქართველები ჯერ კიდევ.
გევალებათ, რადგან თქვენი წვლილიც არის ჩვენს გამარჯვებებში და დამარცხებებშიც და ვერ მოგცემთ უფლებას, ბრძოლის ველი მანამ დატოვოთ, სანამ ყველა ტყვია არ გასროლილა და სანამ თქვენი ოფიცრები ჯერ კიდევ ფეხზე დგანან.
გამაგრდით და დაუშვით იარაღი საკუთარი საფეთქელიდან. ეგ ტყვია ჯერ სხვა მიმართულებით არის გასაშვები. არის მომენტები, როცა პათეტიკა შემზარავად ყალბია, მაგრამ არის მომენტებიც, როცა მოვალეობა ხდება მისი გამოყენება.
ჩვენ ცოცხალი მთავარსარდალი გვჭირდება. წინ კიდევ ბევრი გადამწყვეტი ბრძოლაა.
სალუტ, ბატონო პრეზიდენტო! ქართული ჯარის თადარიგის ერთი რიგითი ოფიცერი, ზურაბ გურული”, – წერს ზურაბ გურული.
ცნობისთვის, საქართველოს მესამე პრეზიდენტი რუსთავის მე-12 პენტენციურ დაწესებულებაში უკვე 36-ე დღეა შიმშილობს. როგორც ექიმები, ისევე ადვოკატები ამბობენ, რომ მიხეილ სააკაშვილი დაუყოვნებლივ საჭიროებს მრავალპროფილურ კლინიკაში გადაყვანას, თუმცა ხელისუფლებას პოზიციას ამ დრომდე არ ცვლის. მესამე პრეზიდენტს მკურნალობისთვის მხოლოდ გლდანის ციხის საავადმყოფოს სთავაზობენ, რომელიც მკურნალობისთვის აუცილებელ პირობებს ვერ აკმაყოფილებს.
მსგავსი სტატიები:
თუ იმას მოელით ჩემგან, რომ მე მოვალ და დავიწყებ ხალხის დაჭერას, მაშინ სხვას მიეცით ხმა – მიხეილ სააკაშვილი
“ერთხელ მაინც შეგრცხვეთ, ერთხელ მაინც დაფიქრდით”!!!
“ნიკა მელია თუ ხარ რა ნამუსით უნდა მიმართო ნოდარ დუმბაძის შვილს, ნაცისტების წინააღმდეგ მებრძოლს”
4-ჯერ მეტი თანხა ერთ ცალ ყაბალახში-როგორ იხარჯება ბიუჯეტის ფულები ლანჩხუთში
სააღდგომო ტრადიციები საქართველოში
ხუხაშვილი “ოცნებაზე”: “ფარჩაკები არიან, ბუჩქებიდან გამოსული ფარჩაკები”
“დღეს ჩემი ახლო მეგობრის და თანამებრძოლის, ბუბა კიკაბიძის დაბადების დღეა,ძალიან ბევრი წელია მე ის ძალიან მიყვარ”-მიხეილ სააკაშვილი
სოხაძე: ქოცქალობასაც მაბრალებენ, მაგრამ პრეზენტაციაზეც არ დამპატიჟეს