“ლავროვს არავინ ეკითხება ქართული სახელმწიფო რა კურსს აიღებს”– მამუკა მდინარაძე

ფრაქცია „ქართული ოცნების“ თავმჯდომარე მამუკა მდინარაძე რუსეთის საგარეო საქმეთა მინისტრის, სერგეი ლავროვის განცხადებას გამოეხმაურა.

„პირდაპირ გეტყვით, ლავროვს არავინ ეკითხება ქართული სახელმწიფო რა კურსს აიღებს. ქართული სახელმწიფოს კურსი არის არა მხოლოდ სიტყვით, როგორც „ნაცები“ დეკლარირებდნენ რაღაცებს, არამედ საქმით განმტკიცებული. თავისი ვიზალიბერალიზაციით, სწრაფვითა და იმ აღიარებით, რომ ყველა ჩვენი პარტნიორი ქვეყანა აღიარებს – საქართველო არასდროს ყოფილა ნატო-სთან და ევროკავშირთან ისე ახლოს, როგორც დღეს. ეს ჩემი სიტყვები არ არის, პარტნიორების სიტყვებია.

საქართველომ უზრუნველყო 2017 წელს, მარტო „ქართულმა ოცნებამ“ კი არა, საქართველომ უზრუნველყო, რომ კონსტიტუციაში ჩაიწერა, პრინციპის დონეზე იქნა ატანილი, რომ არის ერთადერთი ურყევი კურსი, ეს არის ევროპული კურსი, გაერთიანება და დაბრუნება ევროპულ ოჯახში, ევროატლანტიკურ სივრცეში გაერთიანება და მისი წევრობა. ეს არის საქართველოს კურსი, რომელიც აისახა კონსტიტუციაში. ახლა ვინ რას ილაპარაკებს, იქ ლავროვი და აქ „ნაცები“, ამას არანაირი მნიშვნელობა არ აქვს“, – აღნიშნა მამუკა მდინარაძემ.

რუსეთის საგარეო საქმეთა მინისტრმა, სერგეი ლავროვმა განაცხადა: „2008 წელს ნატო-ს ბუქარესტის სამიტის გადაწყვეტილება, რომ საქართველო და უკრაინა გახდებიან ნატო-ს წევრები, ევროპული უსაფრთხოების კონსტრუქციის ნაღმია“.

გააზიარეთ და მოიწონეთ სტატია:

მსგავსი სტატიები:

სააკაშვილი-ივანიშვილის ხედვა, როცა მოდიოდა იყო ის, რომ გაენადგურებინა საქართველო არაღიარებული ქვეყნების ევროპის ჩემპიონატი ფეხბურთში 2021 წელს საფრანგეთში გაიმართება  ვიდეო: „ღარიბაშვილმა ჭირისუფალს მოპარა გვამი, რომ თავის ექსპერტიზას დაადებინოს ის დასკვნა, რომელიც აწყობს” თარგამაძე სარჩელზე: პირდაპირი გზავნილია, რას აპირებს ქართული ოცნება არჩევნების შემდეგ “დღეს დილით კიდევ ერთხელ დამტკიცდა, რომ სახელმწიფო არ არის, ასე იცის ოლიგარქიამ, ამ ტიპის მმართველობამ”-თაკო ჩარკვიანი “ჩემი მხარდაჭერა ირაკლი ღლონტს! ხმა მივცეთ განვითარებასა და ქვეყნის წინსვლას!” – მანუჩარ კვირკველია დროა ხელისუფლებამ მიიღოს კანონი, სადაც ის რაღაც ჩარჩოებში ჩასვამს არასამთავრობოებს — ინჯია ღია წერილზე „სააკაშვილის კლინიკაში გადაყვანა მოხდა მაშინ, როდესაც დასჭირდა მის ჯანმრთელობას”-მათიკაშვილი სააკაშვილზე