“რაში სჭირდებოდათ ეს გათამაშება… რათ უნდოდათ ამდენი მაიმუნობა” – ასე ეხმაურება “ტვ პირველის” გარდაცვლილი ოპერატორის, ლექსო ლაშქარავას დედა ექსპერტიზის დასკვნის გამოქვეყნებას.
ლექსო ლაშქარავას დედა დარწმუნებულია, რომ დოკუმენტის გამოქვეყნება მისი შვილის იუნესკოს მოკლულ ჟურნალისტთა სიაში შეყვანას უკავშირდება.
“ჩემი შვილი, შვილო მკვდარია. მკვდარი ვიყო მეც და არ მესმოდეს ეს ყველაფერი ის მირჩევნია, არაფერი უკან დასახევი არ მაქვს, რაც ვთქვი, იმას ვიმეორებ, რა სისულელეა, რაში სჭირდებოდათ ეს გათამაშება კაცო, არ ვიძახოდი ისედაც შვილო?! ყველანი აქ არ იყავით, რომ ექნება, რაც გინდათ ის დაუწერეთ, ექნება ნარკოტიკული ნივთიერება ორგანიზმში, რათ უნდოდა ამდენი მაიმუნობა და ამდენი ფოკუზობა. დილით რომ არ გამოქვეყნებულიყო, რომ ლექსო იმაში შეიყვანეს [ უნესკოს სია] შუადღეს, რა იყო ეს, რა ფოკუზობა იყო, 2-3 დღე მაინც დაეცადათ და მერე გამოექვეყნებინათ”, – ამბობს თინათინ კახიძე “მთავართან” საუბარში.
ცნობისთვის, სამხარაულის ექსპერტიზის დასკვნა მედიით ისე გასაჯაროვდა, რომ არც ლექსო ლაშქარავას ოჯახს და არც მის ადვოკატებს არაფერი აცნობეს. სამხარაული ამტკიცებს, რომ 5 ივლისს სასტიკად ნაცემი ოპერატორის გარდაცვალება ნარკოტიკმა გამოიწვია.
“ტვ პირველის” მიერ საქმეში ჩართული დამოუკიდებელი ექსპერტი, ალექსანდრე გეჯაძე ამბობს, რომ დასკვნას ხელი 30 დეკემბერს თავადაც მოაწერა. მისი თქმით, სანამ გამოძიება არ გამოაქვეყნებდა დასკვნას, უფლება არ ჰქონდა ინფორმაცია დამკვეთისთვის მიეწოდებინა.
“TV პირველის” დამფუძნებელი, ვატო წერეთელი ამბობს, რომ ექსპერტი მათ დაიქირავეს, შესაბამისად აქვთ ეჭვი, რომ ექსპერტიზის დასკვნა სასწრაფოდ შეთხზეს მას შემდეგ, რაც იუნესკომ ლექსო ლაშქარავა მოკლული ჟურნალისტების სიას დაამატა.
მსგავსი სტატიები:
არჩევნები და ოდეერები-ვის სად და რა ინფორმაციის გატანა ევალება?
კახიძე: ევროსაბჭო მერაბიშვილის ციხიდან გაყვანაზე პასუხისმგებელი პირების დასჯას ითხოვს
“მე არსად წასვლას არ ვაპირებ, მე ვაპირებ პოლიტიკაში დარჩენას კიდევ დიდი ხანი”
ვასაძე-არც რუსეთის, არც დასავლეთის, მე ვარ საქართველოს აგენტი მთელს მსოფლიოში
ძალიან მეცოდება ოპოზიცია – ღარიბაშვილი
“სპეციალიზებული კლინიკა საჭირო არ არის…ჩვენ ყველაფერს გავაკეთებთ,რომ ადამიანი ჯანმრთელი იყოს”-კახაძე მიხეილ სააკაშვილზე
ფრანს პრესის ჟურნალისტს საქართველოში სააკაშვილის ნეკროლოგი დაუკვეთეს
ყაზახეთში მყოფი ქართველები დახმარებას ითხოვენ