გერბზე რომ გვიწერია “ძალა ერთობაშია”, ეგ მარტო ჯოკერში “პარა-პარაზე” ვრცელდება? – ზურაბ ჯაფარიძე ღარიბაშვილს

“გირჩი – მეტი თავისუფლების” ლიდერი ზურაბ ჯაფარიძე სოციალურ ქსელში პოსტს ავრცელებს და პრემიერ ღარიბაშვილს მიმართავს, რომ უკრაინაში მიმდინარე მოვლენებზე მეგობარ ქვეყანას მხარდაჭერა გამოუცხადოს. როგორც ჯაფარიძე აღნიშნავს, ღარიბაშვილს ახლა აქვს ისტორიული შანსი, ამ ქმედებით ღირსების მქონე ლიდერად წარმოაჩინოს თავი:

“გერბზე რომ გვიწერია “ძალა ერთობაშია”, ეგ მარტო ჯოკერში “პარა-პარაზე” ვრცელდება?

ჩადი უკრაინაში, მხარდაჭერა გამოუცხადე და თქვი რომ დღეს იქ იგივე ხდება რაც 2008-ში აქ მოხდა
მიუხედავად ყველაფრისა ისტორიული შანსი გაქვს გამოჩნდე, როგორც ღირსების და ღირებულებების მქონე ლიდერი.

და ამ ქვეყანასაც დაუბრუნო ღირსება და ადგილი პოლიტიკურ რუკაზე
მერე, როცა ჩახვალ ვაშინგტონში ან ბრიუსელში, ნახავ როგორ ხვდებიან ღირსების მქონე ქვეყნის წარმომადგენელს
განსხვავებას იგრძნობ დამოკიდებულებაში.

ან შენს შემდეგ ვინც იქნება, ის ნახავს.მთელი ცხოვრება პოლიტიკოსობაზე ვოცნებობდიო და ესაა პოლიტიკა?ჩირგვში გასუსული ჯდომა არაა პოლიტიკა და ჩვენთვის რომ საზიანოა, ამის ახსნას არ დავიწყებ, აზრი არ აქვს” – წერს ჯაფარიძე.

გააზიარეთ და მოიწონეთ სტატია:
Pin Share