“რესპუბლიკური პარტიის” ყოფილი წევრი, დავით ზურაბიშვილი ქართველი პოლიტიკოსების მიერ ოკუპანტი ქვეყნის პრეზიდენტისადმი გაგზავნილ წერილს სოციალურ ქსელში აფასებს:
“ქართული საზოგადოებრივ-პოლიტიკური ნაგავის წერილი პუტინის მიმართ კია საცოდაობა და ერთუჯრედიანობა, მაგრამ არსებულ ვითარებაში, როდესაც რუსეთი უკრაინაში სამხედრო აგრესიას ამზადებს და დასავლეთისგან ითხოვს ყოფილი საბჭოთა რესპუბლიკების რუსეთის გავლენის სფეროდ აღიარებას, ეს წერილი არის ღალატის ტოლფასი.
მე არ მჩვევია საერთოდ ასეთი ფორმულირებები, მაგრამ წერილის ყველა ხელმომწერი არის ამ ქვეყნის გამყიდველი, მოღალატე და შუალვერის კომიტეტის იდეური მემკვიდრე. ხვალ რომ რუსეთს საქართველოს ოკუპაცია მოუნდეს, ამ წერილს თავისუფლად გაასაღებს ხალხის მოთხოვნად. აქამდე როგორ უნდა დაეცე ადამიანი, არ ვიცი მართლა. ასეთებს ცხოვრებაში გამარჯობა არ უნდა უთხრა არასდროს.
თუმცა, ეს ნაგავი იქით იყოს და ვფიქრობ სერიოზული კამპანიაა ასაწევი, იქნება ეს ღია წერილი, კლიპების სერია, აქცია-პერფორმანსები და ა.შ., სადაც ქართული საზოგადოება, ორგანიზაციულადაც და ინდივიდუალურადაც დაადასტურებს თავის ერთგულებას ევროატლანტიკური ორიენტაციის მიმართ და მკაფიოდ დააფიქსირებს საქართველოს ნატოში გაწევრიანების სურვილს. ოღონდ როგორმე უნდა მოხერხდეს, რომ ეს თემაც ნაც-ქოცობაში არ გადაიზარდოს. უკიდურესად მნიშვნელოვანია, რომ ამ საქმეში ჩართული იყოს ქართული საზოგადოების ფრიად მრავალფეროვანი სპექტრი და სხვადასხვა პოლიტიკური გემოვნების ხალხი”, – წერს ზურაბიშვილი.
ცნობისთვის, “პატრიოტთა ალიანსის” ლიდერმა, ირმა ინაშვილმა სოციალურ ქსელში წერილი გაავრცელა, სადაც ის რუსეთის პრეზიდენტს, ვლადიმერ პუტინს მიმართავს.
მსგავსი სტატიები:
მოდით, ვაჩვენოთ, რომ ევროკავშირს შეუძლია ეს გააკეთოს საქართველოში! – პავილიონისი
ჯეიმს აპატურაი-ოპოზიციური პარტიები უნდა დაბრუნდნენ პარლამენტში
მინაშვილი: მოლაპარაკება რთულად მიმდინარეობს, მოლოდინზე საუბარი რთულია
“შე მართლა საცოდავო, ივანას მატლო, ქართველი ხალხი გადაგივლით”-მიხეილ სააკაშვილი ღარიბაშვილს
არჩევნები დასრულდა, რეალურად გამარჯვებულად თავი არავინ უნდა ჩათვალოს-ზურაბიშვილი
ჩემს შვილს ჩემს თვალწინ კლავენ, ახლა თქვენი თანადგომა განსაკუთრებით გვჭირდება – გიული ალასანიას მიმართვა უკრაინის პრეზიდენტს
პოლიტიკურ დაპირისპირებასა და აგრესიაზე მთავარი პასუხისმგებელი ყოველთვის ხელისუფლებაა-ლანა ღოღობერიძე
ენმ ხვალ პოლიტსაბჭოს სხდომას გამართავს