“საქართველო ევროპის საბჭოში გაწევრიანების შემდეგ მუდმივ და არსებით პროგრესს აღწევს ამ ორგანიზაციის წინაშე აღებული ვალდებულებების პატივისცემის კუთხით, ამას ვაფასებთ, თუმცა რჩება რამდენიმე შეშფოთების საგანი, რაც გადაჭრას საჭიროებს” – ამის შესახებ ევროპელი კონსერვატორების წარმომადგენელმა, ბობ ვან პარერენმა ევროსაბჭოს საპარლამენტო ასამბლეის სესიაზე განაცხადა.
საბჭოს წევრები ამ პრობლემების მოგვარებას საქართველოს ხელისუფლებას სთხოვენ და მოუწოდებენ “ქართული ოცნებას” ეროვნული ინტერესი ვიწროპარტიულ სურვილებზე მაღლა დააყენოს.
“მოვუწოდებთ ყველა პარტიას, საერთო ეროვნული ინტერესი ვიწრო პარტიულ სტრატეგიაზე მაღლა დააყენოს. კიდევ ერთი საკითხი არის მიუკერძოებელი და დამოუკიდებელი სასამართლოს ჩამოყალიბების ძალისხმევა, ამ მხრივ იუსტიციის უმაღლესი საბჭოს ფუნქციონირება, რომელიც ახლა წარმოადგენს მთავარ დაბრკოლებას დამოუკიდებელი და მიუკერძოებელი მართლმსაჯულების მშენებლობის გზაზე, რჩება მთავარ შეშფოთების საგნად. ეს საკითხი უნდა იყოს პრიორიტეტული და გადაიჭრას.
საბჭოთა ეპოქის დროინდელი ადმინისტრაციული კოდექსის სრული რეფორმირება გადაუდებელ საჭიროებას წარმოადგენს. დემოკრატიული საქართველო ევროპის ნაწილია, თუმცა გთხოვთ გაითვალისწინოთ, რომ ევროპის საბჭოს წევრობა არ გულისხმობს მხოლოდ და მხოლოდ ორგანიზაციის პროცედურების მკაცრ დაცვას, არამედ სახელმწიფოს მხრიდან მთავარი პრინციპების დაცვასაც. ევროპის საბჭომ გააძევა რუსეთი მისი აგრესიის გამო უკრაინის წინააღმდეგ. ჩვენ ვიცით, რომ ქართველი ხალხი მხარს უჭერს უკრაინას მის ბრძოლაში აგრესიის წინააღმდეგ, მაგრამ ჩვენ ასევე ვთხოვთ საქართველოს მთავრობას, გააძლიეროს ძალისხმევა, რათა აჩვენოს ერთგულება დემოკრატიის, თავისუფლებისა და მშვიდობისადმი”, – თქვა ბობ ვან პარერენმა.
მსგავსი სტატიები:
“ნაცმოძრაობაში” დიდი განახლების და დიდი გადაადგილების დროა- ნიკა მელია
საქართველო ვერ იქნება პოზნერის სასეირნო ადგილი – ელენე ხოშტარია
წინასწარი ინფორმაციით ყველაზე “ცხელი” ლაშეს მაჟორიტარული ოლქი იქნება
25 ხმა რაინდი დუმბაძეს,0 ხმა გია ჩაგანავას,22 ხმა შარაშენიძეს , 3 ხმა თალაკვაძეს- ნარუჯის მე-13-ე უბნის გადასატანი ყუთის შედეგები
“როცა შესაძლებლობის ერთ კარს გიხურავენ, მეორე უნდა გააღო…წიხლით უნდა შეანგრიო…არდაშლა (ჩვენი) და მოშლა (ოცნების)”-ნიკა გვარამია
იან კელი: საქართველოს მთავრობა ერთპარტიული მმართველობისკენ მიისწრაფვის
“რუსი ხალხის აღზევება პუტინის წინააღმდეგ” – ANONYMOUS-ი მორიგ მიმართვას ავრცელებს
როგორც ჩანს, გადაიტანა კოვიდი, უკვე გამოჯანმრთელებულია…დღეიდან მარხვა დაიწყო – მეუფე ნიკოლოზმა მიხეილ სააკაშვილი მოინახულა