“მზად ვართ, სამუშაო ფორმატში შევხვდეთ იუსტიციის სამინისტროს წარმომადგენლებს” | ომბუდსმენის განცხადება

საქართველოს სახალხო დამცველის აპარატი, რატი ბრეგაძის მიერ, 2 მაისს გაკეთებულ განცხადებებსა და სპეციალური პენიტენციური სამსახურის შეკითხვებს ეხმაურება. განცხადებას ის სოციალურ ქსელში ავრცელებს.

ომბუდსმენი წერს, რომ სახალხო დამცველი და სამედიცინო ექსპერტთა ჯგუფი მზადაა, პენიტენციური სამსახურისა და იუსტიციის სამინისტროს ყველა კითხვას გასცეს პასუხი. აპარატი, ასევე ეხმაურება, იუსტიციის მინისტრის მიერ გაჟღერებულ ბრალდებებს, რომ ექსპერთა ჯგუფის წევრებმა, უკანონოდ გაასაჯაროეს მიხეილ სააკაშვილს პერსონალური მონაცემები.

მათი განცხადებით, მესამე პრეზიდენტს გაცემული აქვს თანხმობა სახალხო დამცველისა და მის მიერ უფლებამოსილი პირების მიერ, მასთან დაკავშირებული ნებისმიერი ინფორმაციის, მათ შორის, ჯანმრთელობის მდგომარეობის შესახებ ინფორმაციის გასაჯაროების თაობაზე. ​

იხილეთ განცხადება სრულად:

საქართველოს სახალხო დამცველის აპარატი ეხმაურება საქართველოს იუსტიციის მინისტრის 2 მაისის განცხადებებს და სპეციალური პენიტენციური სამსახურიდან შემოსულ შეკითხვებს, რომლებიც შეეხებოდა აპარატის სამედიცინო ექსპერტთა ჯგუფის დასკვნას და მიხეილ სააკაშვილის პერსონალური მონაცემების გასაჯაროებას.

ჩვენთვის გასაკვირია დასმული შეკითხვები, ვინაიდან დასკვნაში წარმოდგენილი ჩივილები, ჩატარებული კვლევების მონაცემები (მათ შორის ალბუმინის დაბალი მაჩვენებელი) და სხვა საყურადღებო საკითხები, რაზეც იუსტიციის მინისტრი საჯაროდ აქცენტირებს, დეტალურად იყო გავლილი ექსპერტების მიერ პენიტენციური დაწესებულების სამედიცინო პერსონალთან ვიზიტის განხორციელების დღესვე. კიდევ ერთხელ განვმარტავთ, რომ სახალხო დამცველის დამოუკიდებელ ექსპერტთა ჯგუფის დასკვნა ეფუძნება პაციენტის პირად შემოწმებას, ასევე თავად პენიტენციური დაწესებულების მიერ წარმოდგენილი სამედიცინო მასალების, ანალიზების პასუხების და ჩანაწერების შესწავლას.

იუსტიციის მინისტრისთვის და სპეციალური პენიტენციური სამსახურისთვის, ბუნებრივია, ისიც ცნობილია, რომ სახალხო დამცველის მიერ მოწვეული ექსპერტთა ჯგუფი დაკომპლექტებულია მაღალკვალიფიციური, კეთილსინდისიერი, მაღალი სანდოობისა და რეპუტაციის მქონე გამოცდილი ექიმებით, რომლებსაც ცხადია, გააჩნიათ იმ თითოეული სიმპტომის აღწერის, დიაგნოსტირების თუ რეკომენდაციაზე საუბრის/დადგენის კომპეტენცია რაზეც დასკვნაშია საუბარი.

ვინაიდან იუსტიციის მინისტრის მიერ დასმულ შეკითხვებზე პასუხები მოითხოვს კვალიფიციურ მსჯელობას და სპეციალურ სამედიცინო ცოდნას, სახალხო დამცველი და სამედიცინო ექსპერტთა ჯგუფი მზად ვართ სამუშაო ფორმატში შევხვდეთ იუსტიციის სამინისტროს/პენიტენციური სამსახურის კომპეტენტურ სამედიცინო წარმომადგენლებს, სახელმწიფო კონსილიუმს, ექიმ-სპეციალისტებს და აღნიშნულთან დაკავშირებით გავმართოთ ექსპერტული მსჯელობა. მათ შორის, გამოვხატავთ მზადყოფნას, აღნიშნული დისკუსია იყოს საზოგადოებისთვის საჯარო.

ამასთანავე, საქართველოს იუსტიციის სამინისტროსა და სპეციალურ პენიტენციურ სამსახურს შევახსენებთ, რომ მიუხედავად იმისა, რომ სახალხო დამცველი და ექსპერტთა ჯგუფი მზადაა ჩაერთოს ნებისმიერი სახის ექსპერტულ განხილვაში, სამინისტრომ დრო ხელოვნურად არ უნდა გააჭიანუროს. პაციენტის მდგომარეობა მიჩნეულია მნიშვნელოვნად გაუარესებულად და კვალიფიციური სამედიცინო დახმარების დროული აღმოჩენა გადამწყვეტია. სამინისტროს აქვს სამწუხარო გამოცდილება, როდესაც სახალხო დამცველის ექსპერტთა ჯგუფის რეკომენდაციები დროულად არ გაითვალისწინა, რამაც პაციენტის მდგომარება გლდანის N18 სამკურნალო დაწესებულებაში კრიტიკულ ნიშნულამდე მიიყვანა. იმედს ვიტოვებთ, რომ ამჯერად სამინისტრო დროის ფაქტორს ადეკვატურად შეაფასებს და უზრუნველყოფს პაციენტს ხარისხიანი და ადეკვატური სამედიცინო სერვისით.

დასასრულს, გვსურს გამოვეხმაუროთ იუსტიციის მინისტრის მიერ გაჟღერებულ ბრალდებებს, თითქოსდა ექსპერთა ჯგუფის წევრებმა უკანონოდ გაასაჯაროვეს მიხეილ სააკაშვილს პერსონალური მონაცემები. განვმარტავთ, რომ მიხეილ სააკაშვილს გაცემული აქვს თანხმობა სახალხო დამცველისა და მის მიერ უფლებამოსილი პირების მიერ მასთან დაკავშირებული ნებისმიერი ინფორმაციის, მათ შორის, ჯანმრთელობის მდგომარეობის შესახებ ინფორმაციის გასაჯაროების თაობაზე. შესაბამისად, სახალხო დამცველი და მის მიერ უფლებამოსილი პირები, ამ ტიპის მონაცემების გასაჯაროებას იმ ფარგლებში ახდენენ, რაც დასკვნების არგუმენტების საჯარო პოზიციონირებისთვის და საჯარო ინტერესის დასაკმაყოფილებლად არის საჭირო “, – წერია განცხადებაში

შეგახსენებთ, რომ სპეციალურმა პენიტენციურმა სამსახურმა, საქართველოს მესამე პრეზიდენტთან დაკავშირებით მორიგი განცხადებაა გაავრცელა, სადაც წერია, რომ უწყებას სახალხო დამცველის მიერ გამოქვეყნებულ დასკვნაზე კითხვები აქვს.

გააზიარეთ და მოიწონეთ სტატია:

მსგავსი სტატიები:

ვასილ ჩიგოგიძე: მჯერა, ჩვენ ერთად გავიმარჯვებთ უკეთესი საქართველოსთვის “ქართული მართლმსაჯულება გამოყენებულია “გასაჭირის” მომენტში პოლიტიკური რეპრესიის ინსტრუმენტად” ოცნება-“ხაზარაძე-ჯაფარიძემ პოლიტიკურ სტატუსს “შეაფარეს თავი”,ნიკა გვარამიამ კი ჟურნალისტურ საქმიანობას” არჩილ თალაკვაძე: „ველით ნაყოფიერ თანამშრომლობას ოპოზიციასთან საქართველოს პარლამენტში“ თარგამაძე სარჩელზე: პირდაპირი გზავნილია, რას აპირებს ქართული ოცნება არჩევნების შემდეგ ”საძაგელი სურნელი დგას ქართულ პოლიტიკაში” – თაკო ჩარკვიანი “როგორც სპორტის მინისტრი, უკმაყოფილო ვარ…ლელო, როგორც ბრენდი, რატომ არის პარტიის ლოგოზე”-თეა წულუკიანი ”მოდი, მოსკოვს დაველოდოთ, ე. წ. სამხრეთ ოსეთის მიერთებაზე რას გვეტყვისო” – ასკურავა “ოცნების” პოზიციაზე