“ნაციონალური მოძრაობის” თავმჯდომარე, ნიკა მელია ამბობს, რომ ბიძინა ივანიშვილის, როგორც რუსი ოლიგარქის დამარცხების გზაზე უნდა მოიკვეთონ ის ადამიანები, რომლებიც ოპოზიციურ პლატფორმაზე უარყოფით პროცესებს ავითარებენ.
მისი თქმით, ნიკა გვარამიას დაკავება არ აძლევს ოპოზიციას საფუძველს, გახდნენ ჭირისუფლები. მელია ამბობს, რომ ებრძვიან ადამიანს, რომელმაც მიიტაცა სახელმწიფო და კლასიკური ავტოკრატიული რეჟიმი ჩამოაყალიბა.
“ამ გზაზე, ოლიგარქის დამარცხების გზაზე, ოლიგარქის მიერ განხორციელებულ ქმედებებზე უფრო მძიმეა და უფრო საზიანოა ის ადამიანები, რომლებიც თითქოს არიან არა ბიძინა ივანიშვილის მხარეს გამოხატულად, არამედ ჩვენ მხარეს და სინამდვილეში მის მხარეს არიან, რომლებიც აკრიტიკებდნენ იგივე ნიკა გვარამიას და ამბობდნენ, რომ ნიკა გვარამია არის შეკრული, ეს და ეს არ გააკეთა და ამით ძლიერდებოდა რეჟიმი. უნდა მოიკვეთოს ის ჯგუფი ადამიანებისა, ვინც უარყოფით პროცესებს ავითარებს ოპოზიციის პლატფორმაზე და შეფუთულები არიან როგორც ქომაგები დემოკრატიის. დღეს ნიკა გვარამიას დაკავება არ გვაძლევს ჩვენ უფლებას, გავხდეთ ჭირისუფლები”, – თქვა ნიკა მელიამ.
მისივე თქმით, ჰქონდა მოლოდინი, რომ ნიკა გვარამიას დაიჭერდნენ და ახლაც ფიქრობს, რომ ის შეიძლება ბოლო პოლიტიკური პატიმარი არ იყოს.
ცნობისთვის, 16 მაისს, მოსამართლე ლაშა ჩხიკვაძემ “მთავარი არხის” გენერალურ დირექტორს, ნიკა გვარამიას 3 წლითა და 6 თვით პატიმრობა მიუსაჯა. ნიკა გვარამია სასამართლო დარბაზშივე დააკავეს. საქმეზე ბრალდებული ზურაბ იაშვილი მოსამართლემ გაამართლა, კახა დამენიას 50 000 ლარიანი ჯარიმა დაეკისრა უფლებამოსილების ბოროტად გამოყენებისთვის.
მსგავსი სტატიები:
შენი ქურდული ხელი არ წაგიცდეს არჩევნების გაყალბებაზე – მიხეილ სააკაშვილი ივანიშვილს
ბანკზე თავდასხმას შსს-მ ტერორისტული აქტის კვალიფიკაცია მიანიჭა
“სააკაშვილის იდეაა რომ მელია ჩაჯდეს ციხეში”- მდინარაძე
ძალიან მძიმე სანახავი და მოსასმენია, როგორ ებრძვიან მამულს, ენასა და სარწმუნოებას – კობახიძე
ხელისუფლება ამნისტიის კანონს იმ სახით არ მიიღებს, როგორც ოპოზიცია წარუდგენს – გია ხუხაშვილი
“ეხლა რა მაინტერესებს, იქნებ, მართლა აქაა და ბადრი ესებუასთან ერთადაა სადმე, თბილ ბუხართან…იქნებ, ბადრი ესებუა სულაც მიშაა? ან იქნებ მიშა ბადრი ესებუაა?”-გრიგოლია
ხმაური გაღმა დვაბზუს საარჩევნო უბანზე
დეპუტატ ვიქტორ სანიკიძეს კალათბურთის ფედერაციის პრეზიდენტობა სურს