“ევროკომისია გარკვევით ამბობს, ქვეყანას სჭირდება დეოლიგარქიზაცია. ყველამ კარგად იცის, რომელ ოლიგარქზეა საუბარი”– ასე მიმართავს ევროპარლამენტარი, ევროპის სახალხო პარტიის წევრი, რასა იუკნევიჩიენე რუსთაველის გამზირზე შეკრებილებს.
“გთხოვთ, არ დაუშვათ, რომ თქვენი ლამაზი ქვეყანა გახდეს იმ ხალხის მძევალი, რომლებიც ძალაუფლების ჩრდილში რჩებიან. ასეთი პოლიტიკა ვერ მიგიყვანთ ევროკავშირში, ეს არის კრემლისთვის საჩუქარი”- განაცხადა ევროპარლამენტარმა.
მისი თქმით, საქართველო დიდი ხნის მანძილზე იყო ლიდერი რეფორმების კუთხით აღმოსავლეთ ევროპის პარტნიორების ყველა ქვეყანას შორის.
თუმცა, დღეს, როდესაც უკრაინელებმა სისხლით დაამსხვრიეს ყინული და როდესაც ევროკავშირის ლიდერებმა ამ კვირაში უნდა გადაწყვიტონ კანდიდატი ქვეყნის სტატუსი, საქართველომ სამწუხაროდ დაკარგა ლიდერის სტატუსი. ქვეყნის პოლიტიკა გაივსო სიძულვილით, შესაძლებლობა, რომელიც უზრუნველყო ევროპარლამენტის პრეზიდენტმა შარლ მიშელმა, ხელიდან იყო გაშვებული. ბოლო დროს, საქართველოს დემოკრატიულ პროცესებზე მხოლოდ ცუდი ამბები აღწევს ჩვენამდე.
როგორც ჩანს, თქვენმა მთავრობამ ყველაფერი გააკეთა, რომ ევროკომისიის რეკომენდაცია საქართველოსთვის სასურველი არ ყოფილიყო. გასაკვირი არ არის, რომ ევროკომისია ძალიან კრიტიკულია თავის რეკომენდაციაში ამ პრობლემების მიმართ, რაზეც პასუხისმგებლობა დღევანდელ მთავრობას ეკისრება.
მსგავსი სტატიები:
ავტოსაგზაო შემთხვევის შედეგად დაშავებული 30 წლის მამაკაცი “მედალფაში” გადაიყვანეს
“ბავშვმა თავის დანაშაული გამოისყიდა ამით და ვსიო”- 14 წლის გოგონას ბაბუა
ოზურგეთის მერია განცხადებას ავრცელებს
გაბუნია: გასართობი ღონისძიებების შეზღუდვაზე ფიქრი დავიწყეთ
პოლიტსაბჭოს სხდომა დასრულდა – ,,ენმ” ფართომასშტაბიან აქციებს აანონსებს
“რომ იცინოდით, ღარიბაშვილმა სისულელე თქვაო, 2003 წელს აწყობილი ეკონომიკა დაანგრიეს ნაცებმაო”……
მიხეილ სააკაშვილის წერილი დავით მჟავანაძეს – ”დათო მაგარი ხარ..გამარჯვება ძალიან ახლოა”
“ივანიშვილი დიდ საერთაშორისო შარშია” – მიხეილ სააკაშვილი ქოლცენტრების საქმეზე