5 ივლისის ძალადობრივი მოვლენების 1 წლისთავს სალომე ზურაბიშვილი განცხადებით ეხმაურება და წერს, რომ საზოგადოება ისევ ელოდება დამნაშავეების პასუხისგებაში მიცემას. მისივე თქმით, ამ პერიოდის განმავლობაში ძალადობრივი დაჯგუფებები გაძლიერდნენ, რაც ევროპულ პერსპექტივას აზიანებს.
ზურაბიშვილი მოძალადეთა პარტიის აკრძალვის ინიციატივასაც ეხმაურება და წერს:
5 ივლისის მოვლენების შემდეგ ერთი წელი გავიდა და დღეს, საზოგადოება ისევ ელოდება დამნაშავეების პასუხისგებაში მიცემას. ეს ის რეალობაა, რომლის საფუძველზეც, პრორუსული, ძალადობრივი, ჰომოფობიური და აგრესიული დაჯგუფებები ამ პერიოდში გაძლიერდნენ. გაძლიერდნენ იმ ქვეყანაში, რომლის ტერიტორიების 20% ოკუპირებულია რუსეთის მიერ, რაც სრულიად მიუღებელია. მათი გაძლიერება კი აზიანებს ჩვენს ევროპულ პერსპექტივას.
ზოგიერთს მიაჩნია, რომ ამაზე პასუხი მათი საქმიანობის აკრძალვაა, თუმცა დემოკრატიული პრინციპების მქონე ქვეყანაში აკრძალვა უნდა იყოს ბოლო, უკიდურესი ნაბიჯი და ძლიერი სამართლებრივი არგუმენტებით გამყარებული, რათა არ დარჩეს ეჭვი, რომ აქ არის სიტყვისა და გამოხატვის თავისუფლების ხელყოფა. თუმცა, იგივე დემოკრატიული ქვეყნების პრინციპებიდან გამომდინარე მსგავსი გადაწყვეტილების მიღებაც შესაძლებელია საჭირო გახდეს.
ამ უკიდურესი გადაწყვეტილების მიღებამდე ყველამ თავისი წილი პასუხისმგებლობა უნდა აიღოს და მიუღებელი იყოს ამ ჯგუფების დაცვა და მათი პრორუსული და ანტიევროპული პროპაგანდის წახალისება.
ამ მოცემულობაში ყველაზე მნიშვნელოვანია: კანონის უზენაესობის პრინციპის დაცვა, რაც გულისხმობს, ჩადენილი დანაშაულისთვის პასუხისგებას, მათი საქმიანობის ეფექტური კონტროლი და მათი დაფინანსების წყაროების იდენტიფიცირება, ეს კი ხელისუფლების უშუალო პასუხისმგებლობაა. ხელისუფლების უშუალო პასუხისმგებლობაა მსგავსმა დაჯგუფებებმა ხელი ვერ შეუშალონ საქართველოს ევროპულ პერსპექტივას!” ნათქვამია სალომე ზურაბიშვილის განცხადებაში.
მსგავსი სტატიები:
“დაეტიე შენ სოფელში, არ დაგინახოთ ვაკიჯვარში ამოსული, თორემ”… რატომ ემუქრებიან “ეკოს” წევრებს
“მმართველი პარტია გამოიფიტა”
გადაცემა “სხვა ნანუკამ” 10 წლის ლაშა ხუციშვილისთვის 100 ათასი ლარი შეაგროვა
“ოცნებას” აქვს შანსი ძლიერად გაიმარჯვოს და მომდევნო 3 წელი ქვეყანას არჩევნები არ ექნება”
რუსთაველის გამზირი გადაიკეტა, პარლამენტის წინ უწყვეტი აქცია მიმდინარეობს
“მთავარი არხი” ახალ სეზონს განახლებული ბადით ხვდება…ყველა მნიშვნელოვანი პროექტი შენარჩუნებულია…იქნება ახალი და საინტერესო პროექტებიც”– ნიკა გვარამია
ბოლო 24 საათის განმავლობაში, გურიაში კორონავირუსის–186 ახალი შემთხვევა დაფიქსირდა-19 იანვრის კოვიდსტატისტიკა
80-მა რუსმა საზღვაო ქვეითმა უარი თქვა უკრაინაში საბრძოლო ოპერაციებში მონაწილეობაზე – nexta