საერთაშორისო გამჭვირვალობა – საქართველოს [TI] ინფორმაციით, მარტში, აპრილში, მაისში და ივნისში საქართველოში 6 400-მდე რუსული კომპანია დარეგისტრირდა, რაც 2021 წლის წლიურ მაჩვენებელზე 7-ჯერ მეტია. საქართველოში სულ 13 500-მდე რუსული კომპანიაა დარეგისტრირებული და მათი ნახევარი უკრაინაში ომის დაწყების შემდეგ დარეგისტრირდა.
მათივე ცნობით, მარტიდან დარეგისტრირებულ კომპანიების 93% ინდივიდუალური საწარმოა. ეს კი მიანიშნებს, რომ რუსეთის მოქალაქეების ნაწილი საქართველოში საცხოვრებლად და ბიზნესის საკეთებლად ჩამოვიდა.
საერთაშორისო გამჭვირვალობა – საქართველომ რუსეთზე საქართველოს ეკონომიკური დამოკიდებულების საკითხებიც შეისწავლა. ორგანიზაციამ გააანალიზა 2022 წლის ივნისის ბოლოსთვის საქართველო-რუსეთს შორის არსებული ვაჭრობის, რუსეთიდან შემოსული ტურისტების, ფულადი გზავნილების, პირდაპირი უცხოური ინვესტიციებისა და რუსული კომპანიების საქართველოში რეგისტრაციის შესახებ არსებული მონაცემები.
2022 წლის იანვარ-ივნისში საქართველომ რუსეთიდან ფულადი გზავნილებით, ტურიზმით და საქონლის ექსპორტით დაახლოებით 1.2 მლრდ აშშ დოლარის შემოსავალი მიიღო, რაც 2021 წლის იანვარ-ივნისში რუსეთიდან ამავე წყაროებით მიღებულ შემოსავალზე 2.5-ჯერ მეტია. პანდემიამდე, 2019 წლის იანვარ-ივნისში რუსეთიდან მიღებულ შემოსავალს კი, 36%-ით აჭარბებს. TI აღნიშნავს, რომ “გასულ წლებთან შედარებით საქართველოს რუსეთზე ეკონომიკური დამოკიდებულება იზრდება”.
მსგავსი სტატიები:
ჰანს კლუგე – გვირაბის ბოლოს სინათლე შეინიშნება, რადგან უკვე არსებობს იმედი ვაქცინის მიღებაზე, მაგრამ ამას მაინც დასჭირდება დრო
„პენსიონერებზე ვიღაც ხელს ითბობს“ – ელისაშვილი
“გენიალურმა რეზო გაბრიაძემაც დაგვტოვა,ბავშვობიდან ძალიან მიყვარდა, პირადად ვიცნობდი და ვამაყობდი, რომ ვიცნობდი”
სულ მცირე, პედაგოგების 80% უნდა იყოს აცრილი, რომ სკოლა უსაფრთხოდ ჩაითვალოს – ტიკარაძე
მეუფე ნიკოლოზმა მიხეილ სააკაშვილი ციხეში აზიარა
სამტრედიის სოციალური მომსახურების სერვის ცენტრში კაცი გარდაიცვალა
ბუნტი გურიაში – გურული ფოლკლორი
ევროპაში გაზი ისევ ძვირდება – Gazprom-მა Nord Stream 1-ით მიწოდება კიდევ შეამცირა