ურსულა ფონ დერ ლაიენი – გავაგრძელებთ უკრაინის გვერდით დგომას იმდენხანს, რამდენიც საჭირო იქნება, არ დავისვენებთ, სანამ არ გაიმარჯვებთ

უკრაინელი ხალხი სიცოცხლეს წირავს იმ ღირებულებების დასაცავად, რომლებზეც ჩვენი კავშირია აგებული, – ამის შესახებ ტოტალიტარული და ავტორიტარული რეჟიმის მსხვერპლთა ხსოვნის დღესთან დაკავშირებით ევროკომისიის პრეზიდენტის, ურსულა ფონ დერ ლაიენის მიერ გავრცელებულ განცხადებაშია აღნიშნული.

„23 აგვისტოს, ჩვენ პატივს მივაგებთ ტოტალიტარული და ავტორიტარული რეჟიმების მსხვერპლთა ხსოვნას ევროპასა და მის ფარგლებს გარეთ. დღეს, „მოლოტოვ-რიბენტროპის პაქტის“ ხელმოწერის 83 წლისთავზე, ამ თარიღს განსაკუთრებული მნიშვნელობა აქვს. ამ წელს პუტინმა ომის საშინელებები დააბრუნა ევროპაში და შეგვახსენა, რომ არ შეიძლება, მშვიდობა სათანადოდ არ დავაფასოთ“, – აცხადებს ურსულა ფონ დერ ლაიენი.

მისი თქმით, უკრაინელი ხალხი სიცოცხლეს წირავს იმ ღირებულებების დასაცავად, რომლებსაც ევროკავშირი ეფუძნება.

„წარსულის მტკივნეული ხსოვნა არ არის მხოლოდ შორეული მოგონება, არამედ გამოძახილი ჰპოვა რუსეთის უკანონო და გაუმართლებელ ომში უკრაინის წინააღმდეგ. უკრაინელი ხალხი სიცოცხლეს წირავს იმ ღირებულებების დასაცავად, რომლებზეც ჩვენი კავშირია აგებული“, – აღნიშნა ევროკომისიის პრეზიდენტმა.

მისი თქმით, ევროკავშირი გააგრძელებს მუშაობას რუსული სახელმწიფოს მიერ კონტროლირებადი პროპაგანდის წინააღმდეგ.

„დღეს, როგორც არასდროს, ჩვენ ერთიანად ვდგავართ რუსული სახელმწიფოს მიერ კონტროლირებადი პროპაგანდის წინააღმდეგ, რომელიც ამახინჯებს ისტორიას, ავრცელებს შეთქმულებას და სჯის მათ, ვინც ეწინააღმდეგება. ჩვენ მტკიცედ გავაგრძელებთ მუშაობას დეზინფორმაციის წინააღმდეგ და უზრუნველვყოფთ, რომ ისინი, ვინც ტოტალიტარიზმის წინააღმდეგ იდგა, არ დაივიწყონ“, – აღნიშნულია განცხადებაში.

გააზიარეთ და მოიწონეთ სტატია:

მსგავსი სტატიები:

მაიკ პომპეო გიორგი გახარიას და დავით ზალკალიანს ხვდება მარტო არ ხართ თავისუფლებისთვის ბრძოლაში – ამერიკელი სასულიერო პირების წერილი ქართველებს “გამიხარდება, რაც მეტი პოლიტიკური პარტია შევა პარლამენტში, გააგრძელებს მუშაობას და ეს იქნება ცივილიზებული” “თავისუფლება საქართველოს მესამე პრეზიდენტს” – აქცია რუსთავის ციხესთან ყველა სხვაობის მიუხედავად, ოპოზიციურ გამარჯვებას ალტერნატივა არ აქვს-ირაკლი კუპრაძე სახელმწიფო ინსპექტორის სამსახური შესაძლოა, გაუქმდეს – “ოცნების” დეპუტატების საკანონმდებლო ინიციატივა უკრაინის ნებისმიერი ფორმით დახმარება 20-წლიანი პატიმრობით დაისჯება – რუსეთის პროკურატურა ”აი, ამ წუთას, საქართველოს ცენტრში ზის და ქადაგებს ალტინფო, რომ რუსეთს ჩვენი გვერდში დგომა სჭირდება”