თავის საღამოს ვიდეო მიმართვაში უკრაინის პრეზიდენტმა, ვოლოდიმირ ზელენსკიმ, 29 აგვისტოს განაცხადა, რომ უკრაინის დამცველები ოკუპანტებს საზღვრამდე განდევნიან, უკრაინის საზღვრამდე, რომლის ზოლი არ შეცვლილა.
მისი თქმით, თუ სურს გადარჩეს, რუსეთის ჯარი უნდა გაიქცეს. წადით შინ! მიმართა უკრაინის პრეზიდენტმა რუსეთის არმიას. თუ გეშინიათ შინ დაბრუნებისა, კარგი, ასეთი ოკუპანტები დაგვნებდნენ და მათ ჩვენ მიცემით გარანტიებს ჟენევის კონვენციის შესაბამისად.
ვინც არ მომისმენს, თქვა ზელენსკიმ, მას საქმე ექნება ჩვენს დამცველებთან, რომლებიც არ გაჩერდებიან, სანამ არ გაათავისუფლებენ ყველაფერს, რაც უკრაინას ეკუთვნის.
ზელენსკის თანახმად, რასაც ის ამბობს, არ არის რამე განსაკუთრებული, არ არის ის, რაც ახლა დაიწყო. ამის შესახებ უკვე 187 დღეა ვლაპარაკობთ, თქვა უკრაინის პრეზიდენტმა.
„ვის სურს იცოდეს ჩვენი გეგმების შესახებ? ამას ვერ შეიტყობთ ვერცერთი მოქმედი პასუხისმგებელი პირისგან. რადგან ეს არის ომი და ომში ასე ხდება,”თქვა ზელენსკიმ თავის მიმართვაში.
ზელენსკის თქმით, ომი დაიწყო ყირიმის და დონბასის ოკუპაციით და დასრულდება მათი განთავისუფლებით.
29 აგვისტოს უკრაინის თავდაცვის ძალებმა სამხრეთით სხვადასხვა მიმართულებით დაიწყეს შეტევა. ამის თაობაზე ცნობა გაავრცელა არმიის პრესცენტრის წარმომადგენელმა, რომელმაც აღნიშნა, რომ „კონტრშეტევა უკვე დიდი ხანია მიმდინარეობს – ეს არის მტრის შევიწროება და მისთვის წინსვლის შესაძლებლობის არმიცემა. დღეს კი ჩვენ დავიწყეთ შეტევითი მოქმედებები, მათ შორის, ხერხონის ოლქში“.
ოპერატიული სამხედრო დაჯგუფების, „კახოვკის“ ცნობით, რუსეთის არმიის მიერ დაკავებულ ხერსონის ოლქში განადგურებულია თითქმის ყველა დიდი ხიდი.
რუსეთის თავდაცვის სამინისტრომ აღიარა უკრაინის თავდასხმის დაწყება, მაგრამ ამტკიცებს, რომ იგი წარუმატებელი აღმოჩნდა და მისმა ძალებმა უკრაინელებს დიდი ზარალი მიაყენეს. „მტრის მიერ თავდასხმის მცდელობამ სრული მარცხი განიცადა“, – ნათქვამია განცხადებაში.
მსგავსი სტატიები:
იმპიჩმენტები ამერიკაში- რატომ იქცა ტრამპი რეკორდსმენად
ნიკა მელიას სასამართლო პროცესზე დასწრების შესაძლებლობა არ მისცეს- ადვოკატი
“ვისაც უნდა დავენიძლავები, მოვა დრო, როცა მხოლოდ „ქართული ოცნების“ ხელისუფლების პასუხისმგებლობაზე დაიწყებენ ლაპარაკს”
“კომპანია “ენკას” თანამშრომლები, სავარაუდოდ პოლიციის მანქანებით გადაჰყავთ ნამახვანის მიმართულებით”
მედიის წინაშე დაბნეული ზვიად თენიეშვილი: “მე ვემსახურები საარჩევნო ადმინისტრაციას”
ყველას ვულოცავ არჩევნების მშვიდობიანად და დემოკრატიულად ჩატარებას – ბექა დავითულიანი
ლექსოს მორიგი მკვლელობა იყო – საიას თავმჯდომარე ლაშქარავას ექსპერტიზის ნაწილის გასაჯაროებაზე
უკრაინისთვის მიწოდებული იარაღის გამოყენება არ შეიძლება რუსეთის ტერიტორიაზე, მაგრამ ეს არ ეხება დროებით ოკუპირებულ ყირიმს – რეზნიკოვი