სხვადასხვა ქვეყნის მეცნიერთა ჯგუფმა გამოაქვეყნა მოხსენება კლიმატის ცვლილების პრობლემაზე. ამ მოხსენებაში მეცნიერები მოუწოდებენ დედამიწის მოსახლეობას მოემზადონ გლობალური დათბობის განვითარების ყველაზე უარესი სცენარისთვის. ამის შესახებ Science Alert-ი იტყობინება.
კვლევის წამყვანი ავტორი ლუკ კემპი კემბრიჯის უნივერსიტეტიდან გვაფრთხილებს, რომ კლიმატის ცვლილებამ მანამდეც გამოიწვია მასობრივი გადაშენებები.
“კლიმატის ცვლილებამ დიდი როლი ითამაშა ყველა მასობრივ გადაშენებაში. მათ გამოიწვიეს იმპერიების დაცემა და ისტორიის მსვლელობის შეფერხება. თანამედროვე სამყაროც კი, როგორც ჩანს, ადაპტირებულია გარკვეულ კლიმატურ ნიშასთან.“ – თქვა მან.
მკვლევარები თვლიან, რომ კაცობრიობამ უნდა შეიმუშაოს სამოქმედო გეგმა იმ შემთხვევაში, თუ ჩვენი ამჟამინდელი ცხოვრების წესი დაინგრევა. ადამიანებმა უკვე განიცადეს მთელი რიგი კატაკლიზმები და რაღაც მომენტში, სტრუქტურები, რომლებიც კაცობრიობას საშუალებას აძლევს გაუძლოს ასეთ დარტყმებს, დაინგრევა.
მეცნიერები თვლიან, რომ კაცობრიობას, ოპტიმისტური სცენარის პირობებში, მაინც შეუძლია სიტუაციის გამოსწორება და კატასტროფული მოვლენების ოდნავ გადადება. კერძოდ, შეიძლება გამოყენებულ იქნას პოლიტიკური ქმედება და სხვადასხვა ინოვაციები.
„კლიმატის ცვლილების დაჩქარების მომავლისთვის მომზადება, უარეს შემთხვევაში ბრმად ყოფნაა უარესისთვის, საუკეთესო შემთხვევაში რისკის გულუბრყვილო მართვაა და უარეს შემთხვევაში საბედისწერო სისულელეა.“ – თქვა ლუკ კემპმა.
ლუკ კემპის თქმით, მსოფლიო დაზარალდება არა მხოლოდ თავად ტემპერატურის მატებით, არამედ, გვერდითი ეფექტებით – ფინანსური კრიზისებით, დაავადებების გავრცელებით, კონფლიქტებით.
intermedia.ge
მსგავსი სტატიები:
საქართველოში კორონავირუსის 4 570 ახალი შემთხვევა დაფიქსირდა, გარდაიცვალა 43
“ვაქცინაციაზე უარის თქმა, არის ყველაზე ცუდი გამოსავალი”
მასაჩუსეტსის ინსტიტუტმა ქართველი მოსწავლე, ნიკოლოზ ბირკაძე $300 000-ით დააფინანსა
“ნინოწმინდის პანსიონის ბავშვებთან მიმდინარეობს მუშაობა, რომ მათი საჭიროებები შეფასდეს და შესაბამისი გადაწყვეტილება იყოს მიღებული”
“გურულებისადმი ყველაზე გამორჩეული ხალხისადმი კიდევ ერთხელ მინდა გამოვხატო ჩემი პატივისცემა”-ირაკლი მახარაძე
მშობლების მოთხოვნით, ნინოწმინდის პანსიონიდან დღეს დილით 5 ბავშვი გაიყვანეს
საქართველოს 16-მა მოქალაქემ ავღანეთი დატოვა
გურიის კოლორიტი ომარ ურუშაძე დღეს 78 წლის გახდა