“არ არის ეგ მარტივი კითხვა” – კობახიძე კითხვაზე, არის თუ არა რუსეთი მტერი?

ქართული ოცნების თავმჯდომარე ირაკლი კობახიძე, ჟურნალისტის კითხვაზე “არის თუ არა რუსეთი მტერი?” პასუხად აცხადებს, რომ ეს “მარტივი კითხვა არაა”.

კობახიძის თქმით, “მტერს სხვადასხვა გაგება აქვს” და არსებობს “მარტივი კლიშეები, ტერმინები, შაბლონები, რითაც რადიკალური ოპოზიცია ცდილობს საქართველოს მიყვანას მეორე ფრონტამდე”.

“ანალიზში არ გინდათ, შემომყვეთ. გადადიხართ რაღაც კლიშეებზე, არ არის ეგ მარტივი კითხვა. ანალიზია მთავარი… როდესაც რაღაცას ამბობ, მაშინვე უნდა დააკონკრეტო რას გულისხმობ. მაგალითად თუ შენ ფიქრობ რომ ყველაფერი ასეა გასაზომი, თითო ტერმინით მაშინ მეორე ფრონტიც უნდა გავხსნათ საქართველოში. რატომ არ ვხსნით კაცო? მტერი თუა იმას ეომები, ხომ ხვდებით რას ვამბობ. მტერს აქვს სხვადასხვა გაგება და თქვენ მეკითხებით ცალსახად რაღაცას. მტრის ერთი გაგებაა, რომ ვიღაცას ეომები , მეორე არის რომ გაქვს ორგანული დაპირისპირება, მესამე გაგებაა სხვა და ასე შემდეგ. მე ამ ანალიზში შემოვდივარ და თქვენ მეუბნებით, მტერია თუ ის არის,  მოყვარე თუ ის, მეგობარია თუ ბიძაშვილია და არ არის მარტივი კითხვა, არ არის მარტივი კითხვა, არ არის მარტივი კითხვა… არ არის მარტივი კითხვა იმიტომ, რომ არის რაღაც მარტივი კლიშეები, მარტივი რაღაც შაბლონები, მარტივი ტერმინები, რითაც რადიკალური ოპოზიცია ცდილობს საქართველოს მიყვანას მეორე ფრონტამდე. ამიტომ არ არის მარტივი, ამიტომ არის მნიშვნელოვანი რომ ვუპასუხოთ რაღაცებს არა მარტივი პასუხებით და ტერმინებით და ასე შემდეგ, არამედ ანალიზით” – განაცხადა ირაკლი კობახიძემ.

გააზიარეთ და მოიწონეთ სტატია:

მსგავსი სტატიები:

“გააკეთე ყველაფერი, რაც შეგიძლია — დანარჩენზე მიენდე ბედს” ოზურგეთში სააღმზრდელო პროცესი 17 მაისიდან განახლდება “საავადმყოფოებში გაჩერდა ე.წ. გეგმური სერვისები და კლინიკები გადაუდებელ დახმარებაზე გადადიან” ყურადღებით ვაკვირდებით მიხეილ სააკაშვილის ირგვლივ მიმდინარე პროცესებს – კელი დეგნანი ლანჩხუთის მუნიციპალიტეტში ჭადრაკში 2021 წლის ჩემპიონატი გაიმართა ახლადარჩეული საკრებულოები დათხოვნის ზღვარზე – “ოცნება” წაგებულ ქალაქებში ხელოვნურ კრიზისს ქმნის პოლიტიკა უკრაინა რუსეთმა უკრაინაში ომი დაიწყო – განახლებადი “ბოდიში ამ გამოთქმისთვის და, არ მესმის, ახლა როგორ უნდა “აბლატაო” დამპყრობელი?!”