68 მომხრე, 7 წინააღმდეგი [2-მა დელეგატმა თავი შეიკავა] – ევროპის საბჭოს საპარლამენტო ასამბლეაში (PACE) რეზოლუცია სახელწოდებით: „დემოკრატიისა და კანონის უზენაესობის მხარდაჭერა საქართველოში“ მიიღო.
- “ასამბლეა მწუხარებას გამოთქვამს, რომ საქართველოს მთავრობის წარმომადგენლები სისტემატურად უგულებელყოფენ მათ რეკომენდაციას და შეშფოთებას საქართველოში დემოკრატიული კრიზისის შესახებ”- ვკითხულობთ რეზოლუციის ტექსტში.
რეზოლუციის ავტორები თანხმებიან, რომ საქართველოში სწრაფი დემოკრატიული უკუსვლის პროცესი იმდენად გაგრძელდა, რომ საქართველოში დემოკრატიის არსებობა კითხვის ნიშნის ქვეშ დგას.
“საქართველოში დემოკრატიის სწრაფი უკუსვლა იმდენად გაგრძელდა, რომ საქართველოში დემოკრატიის არსებობა ამჟამად კითხვის ნიშნის ქვეშ დგას. ასამბლეა გმობს საქართველოს ხელისუფლების მზარდ იზოლაციონისტურ პოლიტიკას და ანტაგონისტურ ურთიერთობებს ევროპულ ორგანიზაციებთან და მათ წევრ სახელმწიფოებთან. ის ასევე გმობს უსაფუძვლო თავდასხმებსა და უსაფუძვლო, დამაზიანებელ ბრალდებებს, საქართველოში მოქმედი საერთაშორისო საზოგადოების წარმომადგენლების წინააღმდეგ” – წერია რეზოლუციის პროექტში.
დოკუმენტში ასევე საუბარია საქართველოში დაგეგმილ ადგილობრივ არჩევნებთან დაკავშირებით.
„საქართველოში მოახლოებულ ადგილობრივ არჩევნებთან დაკავშირებით, ასამბლეა წუხს იმ ფაქტის გამო, რომ მისი მოწოდება ახალი, ჭეშმარიტად დემოკრატიული არჩევნებისთვის ხელსაყრელი საარჩევნო გარემოს შესაქმნელად დაუყოვნებლივი, ინკლუზიური პროცესის შესახებ არ შესრულდა, რაც აშკარაა ოპოზიციური პარტიების უმრავლესობის გადაწყვეტილებიდან, არ მიეღოთ მონაწილეობა მომავალ ადგილობრივ არჩევნებში. ასამბლეა წუხს, რომ ამ არჩევნებს არ დააკვირდებიან სამოქალაქო საზოგადოების ორგანიზაციები, რომლებსაც არჩევნების დაკვირვების კარგი რეპუტაცია აქვთ. ამ მხრივ, ის ღრმად წუხს, რომ საქართველოს ხელისუფლებამ არ მოიწვია ევროპის საბჭოს ადგილობრივი და რეგიონული ხელისუფლების კონგრესი მოახლოებულ არჩევნებზე დასაკვირვებლად. ასამბლეა ასევე წუხს, რომ ევროპის უსაფრთხოებისა და თანამშრომლობის ორგანიზაციის დემოკრატიული ინსტიტუტებისა და ადამიანის უფლებათა ოფისისს (OSCE/ODIHR) ამ არჩევნებზე დასაკვირვებლად მიწვევა განზრახ გაეგზავნა იმდენად გვიან, რომ მათი დაკვირვება შეუძლებელი გახდა“, – აღნიშნულია რეზოლუციის პროექტში.
მსგავსი სტატიები:
“აბა, მიშა გინდათ?”
“ნაციონალური მოძრაობის“ წევრები მელიას მხარდასაჭერად მსვლელობას მართავენ
სააკაშვილის ძმა: ვერასდროს წარმოვიდგენდი ქვეყნის აღმშენებელი ციხეში თუ იქნებოდა
დიაკონი მაქსიმე სვანიძე – კიდევ ერთი საინტერესო ადამიანი გურიის წარსულიდან
რამდენს აქვს საქართველოში 6,000 ლარზე მაღალი ხელფასი
ყირიმის ომი და გურია – შეკვეთილის სიმაგრის დაცემა და საზღვაო ბრძოლები
როგორი ამინდი იქნება – უახლოესი დღეების პროგნოზი
სალომე ზურაბიშვილი – პუტინი დათანხმდა შეაჩეროს თავდასხმები ენერგეტიკასა და ინფრასტრუქტურაზე, მაგრამ არა სამოქალაქო ობიექტებზე – ეს არის მშვიდობის პუტინისეული გზა
