ყოფილი მოსამართლე ამბობს, რომ გაჩუმების სანაცვლოდ მის მიმართ ჯერ მოსყიდვის მცდელობები, შემდეგ კი მუქარები იყო

უზენაესი სასამართლოს ყოფილი მოსამართლე მოსყიდვასა და მუქარებზე საუბრობს და ამბობს, რომ მას შემდეგ, რაც სასამართლოდან წავიდა, არაერთი მცდელობა ჰქონდათ, მისთვის კარგი თანამდებობა, ან სასამართლოში უკან დაბრუნება შეეთავაზებინათ.

ალავიძე იხსენებს ყველა იმ შეხვედრას, რომელიც 2022 წელს მისი ბიძინა ივანიშვილისადმი მიმართვას მოჰყვა და ამბობს, რომ გაჩუმების სანაცვლოდ რამდენიმი შეთავაზება მიიღო, მას შემდეგ კი, როცა შეთავაზებაზე უარი თქვა, საქმეში სუს-ი ჩაერთო და მის შესახებ ინფორმაციის შეგროვება დაიწყეს.

როგორც ალავიძე გადაცემა “რეაქციაში“ ამბობს, მათ კარგად იცოდნენ, რომ რაღაც ჩანაწერი არსებობდა და სწორედ ამ ჩანაწერის მიღებას და გაჩუმებას სთხოვდნენ.

მოსამართლეობიდან წამოსვლის შემდეგ, ჩემს მიმართ მუქარები და შემოთავაზებები არ გაჩერებულა. 2022 წლის ზაფხულში, ბიძინა ივანიშვილისადმი საჯარო მიმართვა გავაკეთე და მოვუწოდე, რომ კლანი გაუშვას სახლში, დაახლოებით 1 კვირის ვადაში დამიკავშირდა მისი ბანკის დირექტორი, ზურაბ გედენიძე, შემხვდა. არ უხსენებია ივანიშვილი, მაგრამ „ქართუ“ ბანკის გენერალური დირექტორი სხვანაირად არ შემხვდებოდა, მან შემომთავაზა გარკვეული თანამდებობები, მაგალითად თბილისის სატრანსპორტი კომპანიის ხელმძღვანელის პოზიცია, თან ამიხსნა, რომ შემეძლო სახლში ვყოფილიყავი და ხელფასს მომიტანდნენ სახლში, ანუ გაჩუმების სანაცვლოდ მოსყიდვის მცდელობები იყო. სუს-ის თანამშრომლები სასამართლოდან წამოსვლის შემდეგაც მაკითხავდნენ, მათ იცოდნენ რომ ჩანაწერი არსებობდა, ითხოვდნენ, რომ მეთქვა და იყო მათი მხრიდან შემოთავაზება თანხისაც, ისევ სასამართლოში დაბრუნებისაც. სასამართლოდან წამოსვლის შემდეგ შემხვდა ვალერი ცერცვაძე, მან მომთხოვა გაჩუმება და ამიკრძალა ჟურნალისტებთან თანამშრომლობა, მიუხედავად იმის, რომ მოსამართლე აღარ ვიყავი და სრული უფლება მქონდა ვისაც მინდოდა შევხვედროდი, მითხრა, დამეხმარებოდა სასამართლოში დაბრუნებაში, თუ მე ჩუმად ვიქნებოდი. ასევე შემხვდა სუს-ის თანამშრომელი და მითხრა, რომ შენი სურათებით დადიან სუს-ში და გირჩევთ, ჩუმად იყავი, შეიძლება ციხეში დაასრულოო. ეს არ შეწყვეტილა. ჩემი ოჯახის წევრის ნათესავთან რაიონში ჩავიდნენ და მეზობლებისგან ითხოვდნენ ინფორმაციას ჩემზე და ა.შ – ამბობს ალავიძე.

გააზიარეთ და მოიწონეთ სტატია:

მსგავსი სტატიები:

ჩემი ნება რომ იყოს ოპოზიციას პარლამენტში შესასვლელად ხვეწნას არ დავუწყებდი- ზაზა პაპუაშვილი “გურულებისადმი ყველაზე გამორჩეული ხალხისადმი კიდევ ერთხელ მინდა გამოვხატო ჩემი პატივისცემა”-ირაკლი მახარაძე ავღანეთში გამართულ საპროტესტო აქციაზე თალიბების მიერ გახსნილი ცეცხლისა და ჭყლეტის შედეგად რამდენიმე ადამიანი დაიღუპა “ადამიანობა, ღირსება, თანაგრძნობის უნარი-ან გაქვს, ან – არა…ხატებითა და ჯვრებით კი აქვთ გავსებული ასეთ ადამიანებს სახლები…”-ინგა გრიგოლია გურიის დედოფალი საყორნიას მთა-ფოტო “უფრო ძლიერი უნდა იყოს და ბოლომდე მიიყვანოს ყველაფერი” | რასა იუკნევიჩიენე სალომე ზურაბიშვილზე მიწისძვრა ბახმაროდან 3 კმ_ში მოხდა, სიმძლავრე 4.3 მაგნიტუდა – განახლებული მონაცემები როგორი ამინდია მოსალოდნელი დღეს საქართველოში