გავრცელებული ინფორმაციით, ოზურგეთის მუნიციპალიტეტის მერი, პაატა კუნჭულია, ოზურგეთის სარაგბო კლუბ “არწივების” პრეზიდენტის გადაყენებას გეგმავს.

დიდი ალბათობით, გადაყენების მიზეზები სპორტული შედეგბი შესაძლოა არ იყოს, რადგან – ოდესღაც “დიდ ათში” მორკინლი “არწივები”, მიმდინარე სეზონში – რგიონალ ლიგის მოგების შემდეგ, პირველ ლიგაში აღზევდნენ.

სარაგბო კლუბის მენეჯმენტი სახლმწიფო აუდიტის სკანდალურ დასკვნაში მოხვდა, სადაც მთელი რიგი კითხვებია დასმული საკადრო და საფინანსო პოლიტიკასთან დაკავშირებით.

აღსანიშნავია, რომ, რაგბისტთა ადგილობრივი ხელმღვანელი – ზურაბ, იგივე გუგა, ცინცაძე არაერთხელ გახვეულა სკანდალში, თუმცა ყველა ეს შემთხვევა, არა რაგბს, არამედ პოლიტიკას უკავშირდება.

“არწივების” გენერალურ დირექტორს, ბოლო წლებში, ხშირად ადანაშალებდნენ განსხვავებული აზრის მქონე ადამიანების დევნა შევიწროებასა და მათზე ფიზიკურ თავდასხმებში – პოლიტიკურ ოპოზიციაში კი მას “ზონდერად” მოიხსენიებენ და მის წინააღმდეგ სისხლის სამართლებრივი დევნის დაწყების მოთხოვნით, არაერთი ბრიფინგი და პრესკონფერენცია ჩატარებულა;

ვრცელდება ინფორმაცია, რომ ცინცაძე თანამდებობის დატოვბაზე უარს აცხადებს, და მერს მმართველ პარტიასთან ამისამართებს.

ცინცაძის მხარდამჭერები მიიჩნევენ, რომ ამ უკანასკნელს სრული მხარდაჭერა აქვს “ქართული ოცნებიდან”, გუბერნატორიდან და ოზურგეთის საკრებულოს თავმჯდომარისაგან და მერის სურვილი, მისი გადაყენების თაობაზე არაფერს ნიშნავს, რადგან “მერი და პარტია დღეს სხვადასხვა პოზიციაზე დგანან”.

ოზურგეთის სარაგბო კლუბ “არწივების” წლიური ბიუჯეტი ნახევარ მილიონ ლარს აღემატება.

თუმცა, მიუხედავად ამისა, კლუბი შესაძლოა ფინანსური კრიზისის წინაშე აღმოჩნდეს, რადგან, გავრცელებული ინფორმაციით, საქართველოს სარაგბო კავშირი,  პირველ ლიგაში მოასპარეზე კლუბების დაფინანსების წესს ცვლის და ყოველწლიუად, თავისი ბიუჯეტიდან დაპირებული სამასი ათასი ლარის დახმარებაზე უარს ამბობს და კლუბებს ადგილობრივი ბიუჯეტების ამარა ტოვებს;

ცნობისათვის; საქართველოში მოქმედი კანონმდებლობით, მუნიციპალიტეტის მერს, მუნიციპლური ა(ა)იპის დირექტორის განთავისუფლებისას შეზღუდვები არა აქვს, დირექტორი, ფაქტობრივად დაუცველია, ნაცვლად ა(ა)იპის რიგითი თანამშრომლისა, რომლის განთვისუფლებისას-ზემდგომს მთელი რიგი შეზღუდვები აქვს, თუმცა ამავე დროს მნიშვნელოვანია ორგანიზაციის წესდებაც, მოგეხსენებათ, ხშირად ა(ა)იპის წესდებები ერთმანეთს არ ემთხვევა და მასში სხვადასხვა პირობებია ჩაწერილი.

ასე შეარქვეს ოზურგეთში მუნიციპალიტეტის მერიაში დაწყებულ რეორგანიზაციას, რომლის საბოლოო მიზანი 8 ადამიანის სახლში გაშვება აღმოჩნდა.

პროექტის ავტორი და საკრებულოზე წარმდგენი ადმინისტრაციული სამსახურის უფროსი გენო მორჩილაძეა, რომლის მიერ შემუშავებულმა პროექტმა – არათუ სიცხადე შეიტანა იმაში, თუ რის მიხედვით იხელმძღვანელა მერიამ რეორგანიზაციისას , არამედ საზოგადოებაში დამატებით, უამრავი კითხვა გააჩინა ამ რეორგანიზაციის კანონიერების თაობაზე.

როგორ განისაზღვრა ახალი პრიორიტეტები, რამ განაპირობა სოციალური და ინფრასტრუქტურული სამსახურების განახევრების აუცილებლობა , რამ განაპირობა მომარაგების სამსახურის გაფართოება, ამაზე ოფიციალური პასუხები არ არსებობს. სამაგიეროდ მრავლადაა კულუარული ინფორმაციები, რომლებიც, როგორც წესი, მეტწილად, ან სრული სიმართლეა ან სიმართლესთან მაქსიმალურად მიახლოებული.

მოგეხსენებათ, „ჭორებს“ მაშინ ეძლევა გასაქანი, როცა „მავანი“ მიმდინარე პროცესის ან ფაქტის ირგვლივ, ნებისმიერი ინფორმაციის გავრცელებისაგან თავს იკავებს და მომხდარს მაქსიმალურად „ჩქმალავს“;

„გურიის მოამბისთვის“ კი სწორედ კულუარებიდან ცნობილი გახდა რომ: რეალურად ეს რეორგანიზაცია კიარა, დიდი ალბათობით – მერიის პირველი პირების საძმაკაცო-სადაქალო-სამეზობლო-სანათესაო-ცოლებისსადაქალო-სატენდერშიკო ე.წ.,, სასტავების“ დასაქმება-დაწინაურების აქციაა დაარანაირი საბიუჯეტო სახსრების დაზოგვას ამ შემთხვევაში ადგილი არ აქვს:

ერთი სამსახურიდან შტატების (არასასურველი ადამიანების) შემცირების ხარჯზე, სხვა სამსახურში შტატების (სასურველი ადამიანების) მომატება ხდება.ასე მაგალითად, სოციალურ , ინფრასტრუქტურის სამსახურებში თუ აუქმებენ 3-3 შტატს, განათლების განყოფილებაში , შესყიდვებში, მომარაგებაში ამატებენ ამდენივეს. ანუ შესაკრებთა გადანაცვლებით არა ჯამი, არამედ დასაქმებულთა ვინაობები იცვლება ისევდაისევ ,,ქართულ-ჯიგრულ ამბავში“.

ეს არ შეიძლება იყოს რეორგანიზაცია, რომელიც თავისი არსით,  წესით,გამჭვირვალე და მიუკერძოებელი უნდა იყოს, აქცენტი კი საშტატო ერთეულებზე უნდა გაკეთდეს. ეს აღმოჩნდა პერსონალიებზე ანგარიშსწორების, ანდაც სხვა პერსონალიების წინწამოწევის ერთჯერადი აქტი.

დღეს მერიის მისამართით ყველაზე ხშირად მოხმარებადი სიტყვებია:

„იმაზე ენა მიუტანეს“

„,ამას ცუდი თვალით უყურებს“

„იმის ადგილი სხვას დაპირდნენ“

„ის იმ ადგილს კარგა ხანია ელოდება“

„ამას მაინც არ დატოვებენ “

„რაღაცა დაუწერია“

„არ ალაიქებდა“

„ოპოზციას უჭერდა მხარს“……და ასე უსასრულოდ.

ამასობაში ყველა ა(ა)იპსა თუ მუნიციპალურ უწყებებში, ხელმძღვანელ პირებად ჩუმად თუ ხმაურით (ამბიციური ინტერვიუების თანხლებით) ინიშნებიან მერიის მაღალი ჩინების ცოლები, ცოლისდები, ძმისშვილები, ძმისშვილის ქმრები ან ცოლები, ბიძაშვილები,ძმაკაცების ცოლები და მათი შვილები.

საკითხავი ამ ამბავში ისაა, სადამდე გასტანს ოზურგეთის სახელისუფლებო ვერტიკალის არათანმიმდევრული, შერჩევითი, პირადულზე დაფუძნებული საკადრო (და არამარტო საკადრო) გვაროვნულ-კლანური პოლიტიკა, გნებავთ, თავნებობა.

ალბათ, კიდევ დიდხანს, იმიტომ, რომ ამ ადამიანებს დიდი სანათესაო-სამოყვრო და კიდევ უფრო დიდი მადა აქვთ.

მოკლედ რომ ვთქვათ, ოზურგეთის, ლანჩხუთისა და ჩოხატაურის მერიებში მიმდინარე „რეორგანიზაციის“ შემხედვარე – რუსეთის ექსპრემიერ ჩერნომირდინის ფრთიანი ფრაზა გაგახსენდება: „გვინდოდა უკეთესი – გამოვიდა როგორც ყოველთვის“ („ხატელი კაკ ლუჩშე, ა პალუჩილოს კაკ ვსეგდა“)