ერთი ადამიანი დაიჭრა მსუბუქად ოზურგეთში მომხდარი შეიარაღებული თავდასხმის შედეგად.
შეიარაღებული თავდასხმა, გუშინ წინ, გვიან ღამით, ქალაქ ოზურგეთში, თავისუფლების (კვირიკეთი-ყოფილი ნესტორ კალანდარიშვილის) ქუჩაზე, დუმბაძეების საცხოვრებელ სახლზე მოხდა, რის შედეგადაც მოქალაქე კ.დ. მსუბუქად დაიჭრა, მოგვიანებით დაჭრილი ოზურგეთის “მედალფას” კლინიკაში გადაიყვანეს.
ამის შესახებ “გურიის მოამბეს” ოზურგეთის პოლიციიდან არაოფიციალურად გვაცნობეს.
მომხდარზე შსს განცხადება ჯერ არ გაუვრცელებია. უწყება ამ დრომდე კომენტარს არ აკეთებს;
თვითმხილველთა ინფორმაციით, ინცინდენტისას ორმხრივი სროლები იყო, რომელიც რამდენიმე წუთს გაგრძელდა: თავდასხმის დროს ოჯახში, მსუბუქად დაჭრილის გარდა, სხვა წევრებიც იმყოფებოდნენ;
“გუშინ წინ, დაახლოებით 12 საათზე, ჩვენთან შემოიყვანეს მოქალაქე კახა დუმბაძე, რომელიც კლინიკაში 10-15 წუთი იმყოფებოდა, მას გაეწია დახმარება და შემდგომ ოზურგეთის პოლიციამ კლინიკიდან წაიყვანა, მას თხემის არეში აღენიშნებოდა ზალიან მცირე ზომის დაზიანება, შესაძლოა ჭრილობაც კი ვერ გვეწოდებინა, უფრო დაზიანება”
უთხრეს “გურიის მოამბეს” რედაქციას ოზურგეთის “მედალფაში”;
როგორც გვეუბნებიან დაჭრილის სიცოცხლეს საფრთხე არ ემუქრება;
ჯერ ჯერობით ჩვენთვის უცნობია, თუ რა გახდა შეიარაღებული თავდასხმის მიზეზი, დაჭრილი კახა დუმბაძე, ქალაქ ქობულეთში მოქმედი – რესტორან “სანაპიროს” თანამშრომელია;
მსგავსი სტატიები:
ოზურგეთში სუპერმარკეტი “მოდერნი” დააყაჩაღეს
“ქმარი თუ სახლში არ იყო დედამთილი სცემდა… დღეს გარდაიცვალა… აპარატი გამოურთეს”
რატომ იყვნენ გუშინდელ აქციაზე ნიღბიანი პოლიციელები – სამოქალაქო სექტორი გამოძიებას ითხოვს
მორჩილი, რომელმაც სამონაზვნო პირზე იძალადა, პოლიციამ დააკავა
ოპოზიცია ოზურგეთის მერიას მოსახლეობის დახმარებისათვის გამოყოფილი თანხების მითვისებაში ადანაშაულებს
ოზურგეთში გამოძახებული სახანძრო – შემთხვევის ადგილზე – 50 წუთის დაგვიანებით მივიდა
მკვლელობა ოზურგეთში
მასიური ქურდობები ოზურგეთში – შეშინებული მოსახლეობა და მდუმარე პოლიცია
