საბჭოეთის შმორის სუნი ასდის სასამართლოს – ბეჟან ჯავახია

„პრეზიდენტის ინსტიტუტი ბიძინა მაშინ გარყვნა, როდესაც მან სალომე ზურაბიშვილი მოიყვანა,“ – ეს განცხადება ილიაუნის პროფესორმა ბეჟან ჯავახიამ „რეაქციაში“ გააკეთა.

ჯავახიას შეფასებით, საკონსტიტუციო სასამართლო „საბჭოეთის“ გადმონაშთია. ჯავახია დარწმუნებულია, რომ ივანიშვილის დავალებით ხელისუფლებას საზოგადოებაში ნიჰილიზმის დათესვა უნდა.

როგორც ბეჟან ჯავახია ამბობს, ქვეყანაში ყველაფერი რუსული სცენარის შესაბამისად მიდის და მთავარი თემების გადაფარვა ხდება, მათ შორის, შოვის ტრაგედიისა და პრემიერის მხრიდან სამთავრობო თვითმფრინავის პირადი მიზნებით გამოყენების. ჯავახიას შეფასებით, საქართველოს ბელარუსიზაცია მიმდინარეობს.

”რაც შეეხება სალომე ზურაბიშვილს, ბიძინას ხელშია და ყველაფერი გარყვნა. ჩვენ რომ რუსეთში ჩავბარდეთ, ჩვენში ნიჰილიზმი უნდა გაბატონდეს. უყურეთ სასამართლოო პროცესს და ნახეთ, რა სამარცხვინო, რა საბჭოეთის შმორის სუნი ასდის სასამართლოს, ტურავას მეთაურობით ძველი კორუმპირებული მოსამართლეები სხედან და ლაპარაკობენ,“ – ამბობს ჯავახია.