“მინდა, მას შევახსენო, რომ თავის დროზე, საქართველოსა და სპარსეთს კარგი ურთიერთობა არ ჰქონდათ, მძიმე ისტორია არსებობს და ეს ნებისმიერი ქართველისთვის მგრძნობიარე საკითხია. მასვ ურჩევ,რომ დიპლომატის პროტოკოლის ჩარჩოებში დარჩეს და ისტორიულ წიაღსვლებს თავი დაანებოს რადგან ეს მისი საქმე არ არის. თუ მას სურს, რომ ორ ქვეყანას შორის ნორმალური ურთიერთობა შენარჩუნდეს, მაშინ მსგავს გამოხტომებს თავი დაანებოს“ | თქვა პარლამენტის საგარეო საქმეთა კომიტეტის თავმჯდომარემ, ნიკოლოზ სამხარაძემ ირანის ელჩის განცხადებაზე კომენტირებისას.
ალი მოუჯანმა სოციალურ ქსელში დაწერა, რომ “თბილისში, ირანის ისლამური რესპუბლიკის საელჩოს ფასადი დედოფალ ქეთევანის ულამაზესი და წმინდა გამოსახულებით განათდა“დედოფალ ქეთევანის გამოსახულება თბილისში ირანის საელჩოს ფასადზე
ამ საღამოს, თბილისში, ირანის ისლამური რესპუბლიკის საელჩოს ფასადი დედოფალ ქეთევანის ულამაზესი და წმინდა გამოსახულებით განათდა.
ჩემთვის ეს გამოსახულება მხოლოდ ისტორიული პიროვნების ხსოვნას არ უკავშირდება; ის იმ ისტორიული მეხსიერების სიმბოლოა, რომლის შესახებ დღემდე არაერთი განსხვავებული ისტორია არსებობს.
მალე ამ გვერდის მკითხველებს გავუზიარებ ჩემ მიერ ჩატარებული პირველადი კვლევის შედეგებს, რომლებიც ეხება როგორც დედოფალ ქეთევანს, ისე ირანსა და საქართველოში დაცულ დოკუმენტებსა და ისტორიულ წყაროებს.
წარმოდგენილი მასალა არ იქნება არც ოფიციალური ვერსია და არც პრეტენზია იმისა, რომ ქეთევანის შესახებ საბოლოო სიტყვას ვამბობ; ეს იქნება ისტორიკოსის პირადი ხედვა და შეფასება კვლევის ამ ეტაპზე. ბუნებრივია, ეს შეფასება მომავალში უნდა შეივსოს, გაანალიზდეს, კრიტიკულად გადაიხედოს ან შესწორდეს დამატებითი წყაროებისა და ქართველი თუ ირანელი მკვლევრების ერთობლივი კვლევების საფუძველზე.
შესაძლოა, მსგავსი ისტორიების ხელახალი გააზრება წარსულში დაბრუნებაზე მეტად, დღეს ერთმანეთის უკეთ და ღრმად გაცნობის საშუალება იყოს” | წერს ირანის ელჩი საქართველოში, ალი მოუჯანი და ფოტოს აქვეყნებს
“ირანის ელჩის ცინიკური და დამცინავი ჟესტი დაუშვებელია ყველანაირი დიპლომატიური პროტოკოლითაც კი. ზუსტად იცის, რომ ჩვენი ისტორიის მძიმე მოვლენის თავხედური ინტერპრეტაციაა.
ქართველი წამებული დედოფლის აბუჩად აგდებას ქართული ოცნების მსახურები როგორ გამოეხმაურებიან?” | წერს ხატია დეკანოიძე სოციალურ ქსელში და ირანის ელჩისა განცხადებას ეხმაურება.
მსგავსი სტატიები:
აი, რა იცის ბაიდენის გაპრეზიდენტებამ, გილოცავთ!- ნათელაშვილი
“ამერიკელები სანქციებს ამზადებენ მოსამართლეების მიმართ, ყველა ცნობილი გვარია ამ სიაში”
სანახაობრივი ფინალი და ვერცხლის მედალი – ტატო გრიგალაშვილი პარიზის გრანდ სლემის ვიცე-ჩემპიონია
ვიდრე პუტინი რუსეთის პრეზიდენტია, მის წინააღმდეგ საქმის წარმოების დაწყება არ შეგვიძლია – უკრაინის პროკურატურა
რეკომენდაციები სიცოცხლისათვის – ვენის ჯანსაღი კედელი, გარანტირებული სიცოცხლე
”ვაშა ამხანაგებო, მართლაც რომ ვაშა !!! გამიჯნული ჩავლეშვილი ხელმეორედ ერთმხად იქნა არჩეული თანაგუნდელების მიერ”
არანაკლები დაკითხვა ელოდება დოთიაშვილს სუს-ში, ზუსტ ინფორმაციას მისცემენ, როგორ და რანაირად ილაპარაკოს – ჭანტურია
“ოცნებამ” პოლიტიკური წმენდა დაიწყო-თალაკვაძის რჩეული რესურსცენტრის დირექტორად
