უკრაინაში რუსეთის შეჭრის შემდეგ 79 უკრაინელი ჟურნალისტი დაიღუპა

უკრაინაში რუსეთის შეჭრის შემდეგ უკრაინელი მედიის 79 წარმომადგენელი დაიღუპა. ამის შესახებ უკრაინის ჟურნალისტთა ეროვნული კავშირის ხელმძღვანელმა სერხი ტომილენკომ საერთაშორისო საექსპერტო დისკუსიის დროს განაცხადა.

“უკრაინის ჟურნალისტთა ეროვნული კავშირის და სხვა საერთაშორისო და ეროვნული ინსტიტუტების მონიტორინგის მონაცემებით, ამჟამად ცნობილია სულ მცირე 79 ჟურნალისტისა და მედიის წარმომადგენლის შესახებ, რომლებიც უკრაინაში რუსეთის სრულმასშტაბიანი შემოჭრის დაწყების შემდეგ დაიღუპნენ”, – განაცხადა ტომილენკომ.

მისი თქმით, 79-დან 16 ჟურნალისტი პროფესიული მოვალეობის შესრულებისას დაიღუპნენ. დანარჩენები კი უკრაინის შეიარაღებული ძალების რიგებში უკრაინის დაცვის დროს.

დისკუსია უკრაინის ჟურნალისტთა ეროვნული კავშირის ორგანიზებით უკრაინის კულტურისა და საინფორმაციო პოლიტიკის სამინისტროსთან ერთად და იუნესკოს უკრაინის ეროვნული კომისიის პატრონაჟით გაიმართა. მას ესწრებოდნენ კულტურისა და საინფორმაციო პოლიტიკის მინისტრის მოადგილე ევროპასთან ინტეგრაციის საკითხებში ტარას შევჩენკო, უმაღლესი რადას სიტყვის თავისუფლების კომიტეტის თავმჯდომარე იაროსლავ იურჩიშინი, იაპონიის საელჩოს, უკრაინაში იუნესკოს ბიუროს ხელმძღვანელობის წარმომადგენლები და უკრაინელი ჟურნალისტები.

როგორც Ukrinform-ი იტყობინება, ამ დროისთვის, 25 უკრაინელი ჟურნალისტი რუსეთის ტყვეობაში იმყოფება.

გააზიარეთ და მოიწონეთ სტატია:

მსგავსი სტატიები:

“სად მიდის..სად, ასე მარტო” – საქართველოდან წასული საქართველო რამდენი ადამიანი შეიწირა მეორე მსოფლიო ომმა ქვეყნების მიხედვით „შეიძლება ეს იყოს გაცილებით ადრე“ – როდის გამოცხადდება ეროვნული გამოცდების შედეგები? ნასაკირალის სკოლაში არც გათბობაა, არც წყალი, მერი კი ოპოზიციონერი დეპუტატის საჩუქარზე უარს ამბობს მაშფოთებს საქართველოს მთავრობის ზოგიერთი ნაბიჯი, თითქოს ისინი ცდილობენ ასიამოვნონ რუსეთს – იან კელი რუსული არმია ისტორიაში სამუდამოდ ჩაიწერება როგორც ყველაზე ბარბაროსული და არაადამიანური არმია მსოფლიოში ამ ღამეს, სვატოვოში 200 რუსი ოკუპანტი დაიღუპა – გაიდაი 14 მაისი – კურორტი გოდერძი, ბეშუმისკენ მიმავალი გზა – ფოტოები