BBC-ის სპორტის რუბრიკაში გამოქვეყნდა სტატია, რომელშიც 24 ისეთი ახალი ფეხბურთელია გამოყოფილი, რომელთაც ევრო 2024-ის ჩემპიონატის დროს უნდა დავაკვირდეთ. აღნიშნულ სიაში ქართველი მეკარე, გიორგი მამარდაშვილი მე-6 ადგილს იკავებს.
BBC-ის სტატიის შესავალში ვკითხულობთ:
“20 წელი გავიდა მას შემდეგ, რაც უეინ რუნიმ საერთაშორისო ასპარეზზე ევრო 2004-ზე ასპარეზობის წყალობით თავი გლობალურ ტალანტად დაიმკვიდრა, მაგრამ ვინ იქნებიან ამ ზაფხულის ევროპის ჩემპიონატის გამორჩეული ვარსკვლავები?
სიის თანახმად, პირველ ადგილს ხორვატიელი ნახევარმცველი, მარტინ ბატურინა იკავებს, მეორე ადგილზე ფრანგი ნახევარმცველი ვორენ ზაირ-ემერი გავიდა,
ხოლო მესამე ადგილი სლოვენიელ თავდამსხმელ ბენჯამინ სესკოს ერგო.
ქართველი 23 წლის გიორგი მამარდაშვილი, რომელიც კლუბ “ვალენსიას” ღირსებას იცავს, მეექვსე ადგილზეა დასახელებული. სტატიაში მამარდაშვილზე სტივ ვილსონის სიტყვებს ვკითხულობთ:
“ბევრის აზრით, ის ევროპული ფეხბურთის გამორჩეული ახალგაზრდა მეკარეა. მამარდაშვილი თავისი ქვეყნისთვის უპირველესი არჩევანი გახდა, ითამაშა ბოლო 13 საერთაშორისო ოფიციალურ მატჩში, და “ვალენსიასთვის” სარფიანი გარიგება აღმოჩნდა, რომელმაც 2022 წელს თბილისის “დინამოს” მამარდაშვილის შესაძენად 1 მილიონ ევროზე ნაკლები გადაუხადა – ამჟამად ის, მარტივად შეიძლება, 50-ჯერ მეტიც ღირდეს”.
სტატიაში ასევე აღნიშნულია, რომ 2023 წელს მამარდაშვილი თითქმის მიუნხენის “ბაიერნში” გადავიდა, სანამ ბოლო წუთის დაბრკოლება არ შეიქმნა, რაც, როგორც იტყობინებიან, მამამისის მიზეზით მოხდა.
აღსანიშნავია, რომ BBC-ის 24 ფეხბურთელის სიაში გიორგი მამარდაშვილი ერთადერთი მეკარეა.
იხილეთ სრული სია:
1. მარტინ ბატურინა (ხორვატია)
ასაკი: 21 პოზიცია: ნახევარდაცვა კლუბი: ზაგრების დინამო
2. უორენ ზაირ-ემერი (საფრანგეთი)
3. ბენჯამინ სესკო (სლოვენია)
ასაკი: 21 პოზიცია: თავდამსხმელი კლუბი: RB Laipzig
4. ბრაიან ბრობი (ნიდერლანდები)
ასაკი: 22 პოზიცია: თავდამსხმელი კლუბი: აიაქსი
5. ფლორიან ვირცი (გერმანია)
ასაკი: 21 პოზიცია: ნახევარდაცვა კლუბი: ბაიერ ლევერკუზენი
6. გიორგი მამარდაშვილი (საქართველო)
ასაკი: 23 პოზიცია: მეკარე კლუბი: ვალენსია
7. იოჰან ბაკაიოკო (ბელგია)
ასაკი: 21 თანამდებობა: მემარჯვენე კლუბი: PSV Eindhoven
8. გეორგი სუდაკოვი (უკრაინა)
ასაკი: 21 პოზიცია: ნახევარდაცვა კლუბი: დონეცკის “შახტარი”
9. ჯამალ მუსიალა (გერმანია)
ასაკი: 21 პოზიცია: ნახევარდაცვა კლუბი: მიუნხენის ბაიერნი
10. ჟოაო ნევესი (პორტუგალია)
ასაკი: 19 პოზიცია: ნახევარდაცვა კლუბი: ბენფიკა ს
11. სტრაჰინია პავლოვიჩი (სერბეთი)
ასაკი: 23 პოზიცია: ცენტრალური მცველი კლუბი: “რედ ბული ზალცბურგი”
12. ლეოპოლდ კვერფელდი (ავსტრია)
ასაკი: 20 პოზიცია: ცენტრალური მცველი კლუბი: ვენის “რაპიდი”
13. არდა გულერი (თურქეთი)
ასაკი: 19 პოზიცია: ნახევარდაცვა კლუბი: მადრიდის “რეალი”
14. ჩავი სიმონსი (ჰოლანდია)
ასაკი: 21 პოზიცია: თავდამსხმელი კლუბი: პსჟ
15. ზენო დებასტი (ბელგია)
ასაკი: 20 პოზიცია: ცენტრალური მცველი კლუბი: ანდერლეხტი/სპორტინგი
16. მარიო მიტაი (ალბანეთი)
ასაკი: 20 პოზიცია: მარცხენა მცველი კლუბი: მოსკოვის “ლოკომოტივი”
17. ვლადისლავ ვანატი (უკრაინა)
ასაკი: 22 პოზიცია: თავდამსხმელი კლუბი: კიევის “დინამო”
18. ჯერემი ფრიმპონგი (ჰოლანდია)
ასაკი: 23 პოზიცია: მემარჯვენე ან მარჯვენა მცველი კლუბი: “ბაიერ ლევერკუზენი”
19. მატეი იურაშეკი (ჩეხეთი)
ასაკი: 20 პოზიცია: ვინგერი კლუბი: “პრაღა სლავია”
20. მორტენ ჰიულმანდი (დანია)
ასაკი: 24 თანამდებობა: ნახევარდაცვა კლუბი:”სპორტინგი”
21. კენან ილდიზი (თურქეთი)
ასაკი: 19 თანამდებობა: თავდამსხმელი კლუბი: “იუვენტუსი”
22. ლაზარ სამარჯიჩი (სერბეთი)
ასაკი: 22 პოზიცია: ნახევარდაცვა კლუბი: “უდინეზე”
23. ადამ ობერტი (სლოვაკეთი)
ასაკი: 21 პოზიცია: ცენტრალური მცველი კლუბი: “კალიარი”
24. ზან ვიპოტნიკი (სლოვენია)
ასაკი: 22 პოზიცია: თავდამსხმელი კლუბი: “ბორდო”
მსგავსი სტატიები:
“ივანიშვილი რეალურად უფრო მოვიდა – პრემიერად მოიყვანა მორჩილი – ეზოს მოურავი, კარის მსახური ი. ღარიბაშვილი”
15 ისტორიული ფოტო იმის შესახებ, თუ რა ხდებოდა მე – 20 საუკუნის კულისებს მიღმა
“ქოცი + ბრბო + ინფორმაციული ვაკუუმი = მუდმივ ლოქდაუნს” – დარსმელიძე
ოზურგეთის მერმა წარმომადგენლები კიდევ ხუთ სოფელში დანიშნა
“მსოფლიო პუტინის განეიტრალებაზე ლაპარაკობს, ჩვენი ხელისუფლება კი – ოპოზიციის”
“მე იმ საქართველოს რა ვუთხარი, მაუზერგაჩრილი ქალი რომ ეყოლება კულტურის მინისტრად”
თუ მანქანის ყიდვას აპირებთ, ეს აუცილებლად უნდა იცოდეთ – რომელ წლამდე გამოშვებული მანქანის შემოყვანა იკრძალება საქართველოში
“სასწრაფოდ გადადგეს შს მინისტრი” – ლევან ხაბეიშვილი