“შევდივართ პროცესში, რომელსაც აქვს კონკრეტული მიზანი… იქნება პროტესტი, შესაბამისი ფორმით, შესაბამის დროს, არა პროტესტი პროტესტისთვის”, – ამის შესახებ “კოალიცია ცვლილებისთვის” ერთ-ერთი ლიდერი ნიკა მელია სოციალურ ქსელში წერს. განცხადებაში ვკითხულობთ, რომ პროტესტი შესაბამის დროს, შესაბამისი ფორმით დაიწყება.
მეგობრებო, მესმის თქვენი გულწრფელი სურვილი მოქმედებაზე გადასვლის;
თუმცა ასევე გულწრფელად გეუბნებით:
თუ ამ სიტუაციაში, ვინმე გეგმას წინასწარ გთავაზობთ, თუ გეუბნებათ რომ ან გეგმის გაწერა, ან მისი ყოველდღიური მიყოლა და აღსრულება არის შესაძლებელი – გატყუებთ.
შევდივართ პროცესში, რომელსაც აქვს კონკრეტული მიზანი, ვართ კონსოლიდირებულები, ვართ კომუნიკაციაში საერთაშორისო პარტნიორებთან და თუ ვინმე გეტყვით, დღეს დავიწყებთ, ერთი კვირა ვიდგებით და ზეგ დავასრულებთ – არის ტყუილი, ნუ დაგავიწყდებათ ვის და რას ვებრძვით…
ამ ეტაპზე, არის პარტიების კონსოლიდაცია, ვთანამშრომლობთ ბევრი მიმართულებით, აქ ყველა თავისი ბიოგრაფიითა და თავისი ბრძოლის გამოცდილებით არის მოსული.
თუ რამის გამოცდილება მაქვს, მაქვს ქუჩის ბრძოლისა და პროტესტის გამოცდილება.
და წარსულში იმის გულწრფელად თქმის გამოცდილებაც – იყო კონკრეტული ამოცანა, კონკრეტულ ვადაში შესრულებადი თუ არა, კრიტიკის ობიექტიც გავმხდარვარ ამის გამო.
ახლა გეუბნებით, იქნება პროტესტი, შესაბამისი ფორმით, შესაბამის დროს, არა პროტესტი პროტესტისთვის, – წერს ნიკა მელია.
მსგავსი სტატიები:
“აქედან ერთი ფოტო გადაღებულია საფრანგეთში, მეორე საქართველოში”
მარტში კომერციული ბანკები რეკორდულ მოგებაზე გავიდნენ
ღარიბაშვილის ფეისბუქზე კრიტიკულ კომენტარებს შლიან და ავტორებს ბლოკავენ
ბათუმში მანქანა ამობრუნდა – დაშავდა 3 პირი, მათ შორის 2 არასრულწლოვანი
“თავისუფლება მიშას” – 5 აპრილს საქალაქოსთან აქცია გაიმართება
ხულოში, მანქანა ამწედან ჩამოვარდა და 25 წლის ბიჭს დაეცა
აჭარაში მამამთილმა რძალი მოკლა
ლავროვმა მონაწილეობა მიიღო ეუთოს მინისტერიალში, მგონი ეს უკვე საბოლოოდ ანგრევს, ამ შეუმდგარ ორგანიზაციას – სააკაშვილი