ესპანური მედია: საქართველომ გაფუჭებულ სათამაშოს დაგვამსგავსა

საქართველოს კალათბურთელთა ეროვნულმა ნაკრებმა ევრობასკეტზე გამოსვლა მოქმედ ჩემპიონ ესპანეთთან სენსაციური გამარჯვებით დაიწყო – 83:69. ალეკსანდარ ჯიკიჩის გაწვრთნილმა გუნდმა, სანდრო მამუკელაშვილის (19 ქულა, 7 მოხსნა, 6 პასი), გოგა ბითაძის (15 ქულა, 5 მოხსნა) და თორნიკე შენგელიას (13 ქულა) ლიდერობით, სერჯო სკარიოლოს შეგირდებს შანსი არ დაუტოვა.

ლიმასოლში გამართული თამაშის შემდეგ ესპანურ სპორტულ მედიაში საინტერესო შეფასებები გაკეთდა.

AS: “ჩვენმა ნაკრებმა ევრობასკეტის პირველ მატჩში გამანადგურებელი დარტყმა მიიღო. საქართველომ ანგარიშით 83:69 დაამარცხა ესპანეთი, რომლის მოთამაშეებმა ლიმასოლის არენის მოედანზე ვერც თამაში აჩვენეს და ვერც – სული, ხოლო სათადარიგოები ჩუმად განიცდიდნენ მომხდარს მთელი 40 წუთის განმავლობაში. თავის მხრივ მეტოქეები გამოიყურებოდნენ ისე, თითქოს ეს მათი სიცოცხლის მთავარი დღე იყო. ქართველებმა ბრწყინვალე მატჩი ჩაატარეს”.

MARCA: “ევრობასკეტზე საშინელმა დებიუტმა ესპანეთის ნაკრებს გზა გაურთულა. თუკი გადამწყვეტი პირველი სამი თამაში ჩანდა, გუნდისთვის ტურნირი ამაზე უარესად ვერ დაიწყებოდა. ესპანეთმა “კერკეტ” საქართველოსთან წააგო და ახლა მისთვის უპირველესი ამოცანა 1/8-ფიანლში გასვლა გახდა. საქართველოს ნაკრებმა ფიზიკურად დაჯაბნა ესპანეთი, უმთავრესად – NBA-ს მოთამაშეებმა სანდრო მამუკელაშვილმა და გოგა ბითაძემ, ასევე – თორნიკე შენგელიამ, რომლის მატჩში მონაწილეობა გულის პრობლემების გამო კითხვის ნიშნის ქვეშ იყო. მაგრამ შენგელიამ პირველი წუთებიდანვე ითამაშა. ის ვერ შეაჩერა ვერც არითმიამ, ვერც – სამედიცინო რეკომენდაციებმა… დასაწყისი კოშმარულია. მეორე მატჩი ამ შაათს ბოსნიისა და ჰერცოგოვინის ნაკრებთნა გვაქვს, რომელიც პირველი ფინალია”.

EL MUNDO: “ესპანეთის ნაკრებს თავისი ახალი უფერული რეალობის დასამტკიცებლად, ევრობასკეტზე დიდი დრო არ დასჭირდა. ის კვარცხლბეკიდან საქართველოს ნაკრებმა ჩამოაგდო, რომელიც უწინ თუ სუსტ მოწინააღმდეგედ მიიჩნეოდა, დღეს დაუმარცხებელ მონსტრად გადაიქცა. ლიმასოლში წაგებით ესპანეთმა არამხოლოდ გაირთულა გზა რიგისკენ, წარმოუდგენლად ცუდი შთაბეჭდილებაც დაგვიტოვა. მონდომებულ და თავდაჯერებულ ქართველებთან ჭიდილში იმედგაცრუებული გუნდი, რომელიც კონტინენტის ჩემპიონის ტიტულს ატარებს, საბოლოოდ გაფუჭებულ სათამაშოს დაემსგავსა”.

El Confidencial: “ესპანეთის ეროვნული გუნდის ვერცერთმა კალათბურთელმა შეძლო გაბრწყინება ტურნირის სასტარტო მატჩში, რომელშიც 2022 წლის ტიტულის მფლობელს საერთოდ არ უთამაშია. საქართველოს ნაკრებმა ისტორიაში პირველად მოახერხა ესპანეთის ევრობასკეტზე დამარცხება. და მან ეს სავსებით დაიმსახურა. მუდმივად მდევრის როლში, იდეის გარეშე მოთამაშე სკარიოლოს გუნდი მამუკელაშვილმა, შენგელიამ და ბითაძემ დაამარცხეს”.

გააზიარეთ და მოიწონეთ სტატია:

მსგავსი სტატიები:

სანაგვეში ნაპოვნი ფეხსაცმელებიდან ოლიმპიურ ჩემპიონობამდე ლანჩხუთის ქალთა გუნდის ფეხბურთელები ნაკრებში ერთმანეთს დაუპირისპირდებიან ოზურგეთელი მძლეოსნების მორიგი წარმატება… რამაზ ზოიძე ნახევარფინალში გავიდა და მედლისთვის ბრძოლას აგრძელებს ოზურგეთელი ჭაბუკები ძიუდოში შინ სამი ბრინჯაოს მედლით დაბრუნდნენ „ჩოგბურთი მომექცა იმაზე დიდსულოვნად, ვიდრე ოდესმე ვიოცნებებდი“ – როჯერ ფედერერი კარიერას ასრულებს მოვახერხე და მეშვიდედ შევინარჩუნე ევროპის ჩემპიონის ტიტული, ვპირდები გულშემატკივარს, რომ კიდევ ბევრ წარმატებას მოგიტანთ – ლაშა ტალახაძე ავთანდილ თალაკვაძე – ჩვენს ქალაქში დიდი ფეხბურთი ბრუნდება!