სტატისტიკის ეროვნული სამსახურის მონაცემებით, 2025 წლის ნოემბერში, წინა თვესთან შედარებით საქართველოში ინფლაციის დონემ 0.4% შეადგინა, ხოლო წლიური ინფლაციის დონემ 4.8%.
საქსტატის ცნობითვე, სურსათისა და უალკოჰოლო სასმელების ჯგუფზე, წინა წელთან შედარებით, ფასები 10.3%-ით გაიზარდა, რაც წლიურ ინფლაციაზე 3.48%-ით აისახა, მათ შორის ფასებმა მოიმატა შემდეგ ქვეჯგუფებზე:
- ხილი და ყურძენი – 16.9%;
- თევზეული – 15.5%;
- ზეთი და ცხიმი – 14.9%;
- პური და პურპროდუქტები – 13.6%;
- ყავა, ჩაი და კაკაო – 12%;
- შაქარი, ჯემი და სხვა ტკბილეული – 11.6%;
- მინერალური და წყაროს წყალი, უალკოჰოლო სასმელები და ნატურალური წვენები – 8.6%;
- რძე, ყველი და კვერცხი – 8.5%;
- ხორცი და ხორცის პროდუქტები – 6.5%;
- ბოსტნეული და ბაღჩეული – 5.1%
ჯანმრთელობის დაცვა 8%-ით გაძვირდა, ფასები გაიზარდა ამბულატორიული სამედიცინო მომსახურების – 9%, საავადმყოფოების მომსახურების – 9% და სამედიცინო პროდუქციის, აპარატურის და მოწყობილობის – 6.6% ქვეჯგუფებზე.
ბოლო ერთ წელიწადში გაძვირდა:
- სურსათი და უალკოჰოლო სასმელები – 10.3%;
- ჯანმრთელობის დაცვა – 8%;
- სასტუმროები, კაფეები და რესტორნები – 7.2%; სხვადასხვა საქონელი და მომსახურება – 5.3%; ალკოჰოლური სასმელები, თამბაქო – 4.4%;
- განათლება – 2.3%;
- საცხოვრებელი, წყალი, ელ.ენერგია, აირი – 0.3%;
- ტრანსპორტი – 0.3%;
ბოლო ერთ წელიწადში გაიაფდა:
- კავშირგაბმულობა -4.0%;
- დასვენება, გართობა და კულტურა -1.5%;
- ავეჯი, საოჯახო ნივთები, სახლის მოვლა -1.3%:
ტანსაცმლისა და ფეხსაცმელის ფასები უცვლელი დარჩა.
ქვემოც მოცემულ გრაფიკზე აღნიშნულია ინფლაციის მაჩვენებელი 2025 წლის ოქტომბერთან შედარებით:
მსგავსი სტატიები:
მიხაილ მარხელი – ეს იყო ნერვების თამაში
(ვიდეო) – “შენ ბიჭო, @რაკი მიაყენე, შე ბო@ო შენ…” – ვასილ ჩიგოგიძე და ჟურნალისტები
ახლა მთელი ღამე ველოდოთ როგორ გააყალბებენ ოქმებს, დაჯღაბნიან და იცოდვილებენ ბალანსის დასასმელად-ჯანგირაშვილი
მიწისძვრის შემდეგ მოსახლეობა ქუჩაში გამოვიდა – ვითარება ეპიცენტრის ადგილას
“ვაქცინაციის წახალისების პროგრამები და თავად ვაქცინაცია არ შეწყდება”
რამდენიმე საათიც და სამშობლო გულში ჩაიკრავს ლანჩხუთელ გმირს – ჯამბულათ ხოფერიას გამთენიისას ჩამოასვენებენ
“ენერგო პრომ” შეცდომით გაზის ცენტრალური მილსადენი გაბურღა-გურიაში მეორე დღეა რამდენიმე სოფელი ბუნებრივი აირის გარეშეა
“ეს სია ძალიან მნიშვნელოვანი მონაპოვარია, რამეთუ ადასტურებს სისტემის რღვევას და აძლიერებს საზოგადოებრივ მორალურ წნეხს” – სალომე ზურაბიშვილი
