“ვაქცინაციის წახალისების პროგრამები და თავად ვაქცინაცია არ შეწყდება”

„პროგნოზით, შემოდგომაზე შემთხვევების რაოდენობა გაიზრდება, ამიტომ იმუნური ფენა ქვეყანაში უნდა გაძლიერდეს. ჩვენ სულ ამაზე ვსაუბრობთ. სამწუხაროდ, შემცირებულია ყოველდღიური ვაქცინაციის რაოდენობა ქვეყანაში, მაგრამ ეს უნდა გავაძლიეროთ. კიდევ ვიწყებთ დიდ კამპანიას ბევრი დონორის დახმარებით, აქ არის: UNDP, მსოფლიო ბანკი, გაეროს ბავშვთა სააგენტო, ჯანმრთელობის მსოფლიო ორგანიზაცია, GIZ. ბევრი დონორის მხარდაჭერით ამ ზაფხულის განმავლობაში ჩატარდება დიდი კამპანია. კამპანიის ფარგლებში მივალთ ადამიანებთან და ავუხსნით ვაქცინის სარგებელს. დღეს, მოზრდილი მოსახლეობის 44%-ია სრულად აცრილი. ჩვენ სულ მცირე 70%-ზე უნდა ავიდეთ, რომ ზამთრისთვის იყო მშვიდად. რატომ ვერ შევძელით ამ მაჩვენებელზე ასვლა, ამას ერთი მიზეზი არ აქვს, ვერ შევძელით იმიტომ, რომ ალბათ, ცოტა კომუნიკაციაც დავაკელით, ცოტა მეტი უნდა იყოს, მაგრამ ამავე დროს არის მეორე ფაქტორი – ჩემი კოლეგების, სამედიცინო პერსონალის ინერტულობა ამ თვალსაზრისით.

დღეის მდგომარეობით სრულად ვაქცინირებულია ექიმების 83%, არადა, 99% უნდა იყოს, რომ ხალხს ჩვენი მაგალითი ვაჩვენოთ. ამავე დროს, უნდა იყოს მეტად გაძლიერებული პირველადი ჯანდაცვა, რომ ყველა სოფლის ექიმს თავისთან მიმაგრებული ადამიანები აცრილი ჰყავდეს. რაც შეეხება წახალისების პროგრამას, მან პირველი ორი თვე იმუშავა, როდესაც თანხას ვუხდიდით 60 წლის ზემოთ მოსახლეობას, შემდგომ ისევ ქვემოთ წამოვიდა და მაისიდან შეწყდა. ახლა უკვე წახალისების სხვა ფორმები უნდა შემოვიტანოთ“, – განაცხადა გამყრელიძემ.

რაც შეეხება ვაქცინაციის პროცესს და ბუსტერდოზით აცრას, როგორც გამყრელიძე ამბობს, თუ ბუსტერდოზის გაკეთებიდან 4 თვე არის გასული, მეორე ბუსტერით უნდა აიცრან.

„აღნიშნულზე მინისტრის ბრძანებაც გამოიცა, სადაც წერია, რომ 50 წლის ზემოთ პირებისთვის რეკომენდებულია ყველა აიცრას, განსაკუთრებით კი ის, ვისაც ქრონიკული დაავადებები აქვს. ასევე, 18 წლიდან ზემოთ ასაკობრივ კატეგორიაში პირები ექიმის რეკომენდაციით იცრებიან, ასევე თუ მათ აქვთ რაიმე დამადასტურებელი საბუთი, რომ ისინი რაიმე ქრონიკული დაავადების მატარებლები არიან“, – განაცხადა გამყრელიძემ „ინტერპრესნიუსთან“ საუბრისას.

გააზიარეთ და მოიწონეთ სტატია:

მსგავსი სტატიები:

მეათე მოწვევის პარლამენტის პირველი სხდომა 11 დეკემბერს გაიმართება ჰუბერტ ქნირში: ევროკავშირის პოზიციაა, რომ პარტიები უნდა შევიდნენ პარლამენტში ნინოწმინდის ბავშვთა პანსიონში გამოძიება სავარაუდო ძალადობის 3 და სავარაუდო გაუპატიურების 1 ფაქტზე მიმდინარეობს “შემთხვევების კატასტროფულად გაზრდილ ფონზე გარდაცვალების შემთხვევების მატება გარდაუვალია” მოვალე იყო, სიტუაცია განემუხტა, არ აპატიებს ღმერთი და ისტორია – მამა ზაზა პრეზიდენტზე 10 იანვრის კოვიდსტატისტიკა სალომე ზურაბიშვილის პოზიცია 2008 წლის აგვისტოს ომზე, უცვლელია – ინტერვიუ ფრანგულ მედიასთან “ივანიშვილი ახლაც პუტინის სპეცსამსახურებთან თანამშრომლობს და აუცილებლად მოხდება მისი დასანქცირება”