ოზურგეთში პოლიციელზე განხორციელებული ძალადობის ბრალდებით მიმალვაში მყოფები დააკავეს

შინაგან საქმეთა სამინისტროს თანამშრომლებმა, პოლიციელზე განხორციელებული ჯგუფური ძალადობის ბრალდებით, 2006 წელს დაბადებული ლ.ჩ. და 1997 წელს დაბადებული დ.ს. დააკავეს.

გამოძიებით დადგინდა, რომ მიმდინარე წლის 27 იანვარს, ოზურგეთში მდებარე ერთ-ერთ რესტორანში, ურთიერთშელაპარაკების ნიადაგზე, ბრალდებულებმა ჯგუფურად იძალადეს პოლიციელზე.

პოლიციამ ჯგუფურ ძალადობაში მონაწილე ჩოხატაურის საკრებულოს თავმჯდომარე დავით შარაშიძე, მომხდარიდან მალევე – ცხელ კვალზე დააკავა, ხოლო დანაშაულში მონაწილე კიდევ ორი პირი შემთხვევის ადგილიდან მიიმალნენ.

სამართალდამცველებმა სისხლის სამართლის საქმეზე ჩატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად ლ.ჩ. და დ.ს. 31 იანვარს თბილისში ბრალდებულის სახით დააკავეს.

გამოძიება საქართველოს სისხლის სამართლის კოდექსის 126-ე მუხლის პირველი ნაწილის პრიმა მუხლის “ბ” ქვეპუნქტით მიმდინარეობს.

გააზიარეთ და მოიწონეთ სტატია:

მსგავსი სტატიები:

რას სთავაზობს ოპოზიცია ხელისუფლებას – დოკუმენტი “11 000 ევროიანი პოლიტპატიმარი ევროკავშირისთვის პოლიტპატიმარი არ არის” “მისცეს შესაძლებლობა ველური მგზნებარებით კვლავ დაეხიათ ევროკავშირის დროშები” წინასაარჩევნო მოსყიდვა გურიაში – მაჟორიტრარობის კანდიდატმა სოფელს წყლის ავზი აჩუქა ქალი, რომელმაც საქართველოს 400 მილიონის ღირებულების საგანძური დაუტოვა ”კატასტროფული მდგომარეობაა… ფასები 10%-ით უკვე გავზარდეთ ” “ერთიანი ნაციონალური მოძრაობის” გურიის რეგიონალური ორგანიზაცია გიორგი ღურჯუმელიძის სტატუსს არ აღიარებს