“მოვითხოვ, ყველა დამნაშავე ფიგურანტი, მაღალჩინოსანი თუ დაბალჩინოსანი, კანონის შესაბამისად იქნეს დასჯილი!” – ამის შესახებ თბილისში მოკლული ნიკო კვარაცხელიას დედა სოციალურ ქსელში წერს.
მისი თქმით, ის უკანონობას არაფრით დაუშვებს და ნიკო კვარაცხელიას მკვლელობის საქმეზე არცერთი ადამიანი უკანონოდ არ დაისჯება.
,,მეგობრებო ნიკო კვარაცხელიას ვერაგული მკვლელობის საქმეზე არცერთი ადამიანი უკანონოდ არ დაისჯება, ჩემი შვილის თანატოლებს როგორ შემიძლია ბრალი რამეში დავდო. მეტსაც გეტყვით ჩვენთვის ტრაგედიაა რა კადრებსაც ვუყურებ!
მაგრამ მოვითხოვ!
ყველა დამნაშავე ფიგურანტი, მაღალჩინოსანი თუ დაბალჩინოსანი, კანონის შესაბამისად იქნეს დასჯილი! უკანონობას არაფრით არ დავუშვებ!
ჭელიძემ და კავილაძემ წერტილ-მძიმით ყველაფერი თავად დაფქვა, ვიდეოც კი არსებობს!
კიდევ ერთხელ გიხდით ბოდიშს ვერ გერთვებით ჟურნალისტებს, გაუგონარი ამბები მესმის და ვერ ვუძლებ!” – წერს იზა ომაძე.
პროკურატურის ინფორმაციით, ნიკო კვარაცხელიას მკვლელობა გახსნა – მკვლელობის დამკვეთად ყოფილი პრემიერი-მინისტრის, ზურაბ ჟვანიას შვილი ბუსა ჟვანია და ძმები – დავით და გურამ კაკულიები დასახელდნენ.
როგორც პროკურატურაში გამართულ ბრიფინგზე პროკურორმა გიორგი მიქაიამ განაცხადა, ნიკო კვარაცხელიას მკვლელობა სწორედ ზურაბ ჟვანიას შვილის, ბუსა ჟვანიას სახლში იგეგმებოდა.
საქმის მასალების მიხედვით, ბესარიონ ჟვანია მის ნაცნობებს ალეკო ჭელიძეს და გიორგი კავილაძეს დაუკავშირდა, შესთავაზა მათ ძმები კაკულიების შეკვეთით მოეხდინათ ნიკოლოზ კვარაცხელიას ჯგუფური მკვლელობა, რაზედაც ისინი დათანხმდნენ.
თბილისის საქალაქო სასამართლომ ნიკო კვარაცხელიას მკვლელობის საქმის ფარგლებში, ბესარიონ (ბუსა) ჟვანიას პატიმრობა დაუსწრებლად შეუფარდა.
მსგავსი სტატიები:
“ყველაზე წყალწაღებული ქვეყანა ვართ” – საქართველოში ცხოვრება კიდევ უფრო გაძვირდა
ოპოზიციამ გაერთიანება ვერ შეძლო,”ლეიბორისტული პარტია“ და „სტრატეგია აღმაშენებელი“ ნიკა მელიას კანდიდატურას მხარს არ დაუჭერენ
“შემოვიდნენ შავ ფორმაში ჩაცმულები… სცადეს ძალით გაყვანა, მე გავითიშე და არ მახსოვს არაფერი”-მიხეილ სააკაშვილის საგანგებო განცხადება
“აღმოაჩინა, რომ ციხე დისკომფორტია… მძიმე დღეშია საწყალი სააკაშვილი” -სოზარ სუბარი
“რუსულ ვექტორზე უნდა ჩაგვტოვოს, ტვინის ხვეულებით ხუჭუჭა კობახიძემ?”
ნიკა გვარამია პოლიტიკური პატიმარია – თომას ჰაკერი
საქართველოს თურქეთისგან ბესარიონ ხარძიანის მკვლელობაში მსჯავრდებული გადმოეცა
ღარიბაშვილის ცოლის, ნუნუკა თამაზაშვილის პოსტი Facebook-ზე
