საქართველო სოლიდურმა არაბულმა კომპანიამ დატოვა-მათი აქტივები სომხურ კომპანიაზე გაიყიდა

რეალური ინვესტორი ემირატებიდან მიდის, “იგლ ჰილზი”, უფულო-შემოდის.

განსაკუთრებით დასანანია “ბილტმორის” გაყიდვა. იგი ყველაზე დიდი უცხოური ინვესტიცია იყო სასტუმროების სფეროში-140 მილიონი დოლარი დაჯდა მისი აშენება და გამართვა. იგი არაბეთიდან იზიდავდა შეძლებულ ტურისტებს. იქ არსებული კაზინოც ერთ-ერთი მიზიდულობის ფაქტორი იყო. იმედი უნდა ვიქონიოთ, რომ ეს სასტუმრო კვლავ დარჩება სინგაპურის ცნობილი ჯგუფის, “მილენიუმის” მართვაში, რაც მეტად მნიშვნელოვანია.

აღიარებული უცხოელი ინვესტორის მიერ საქართველოს ბაზრის დატოვება შეიძლება აიხსნას ქვეყნის საერთაშორისო იზოლაციითა და საინვესტიციო მიმზიდველობის დაკარგვით.

წერს, ეკონომიკური ექსპერტი, რომან გოცირიძე, სოციალურ ქსელ ფეისბუკში;