მეწყერში მოყოლილ მანქანაში ორი ადამიანის ცხედარი იპოვეს

ხელვაჩაურის მუნიციპალიტეტის სოფელ ჯოჭოში მეწყრის დროს დაკარგულ მანქანაში 2 ცხედარი იპოვეს.

სამძებრო სამუშაოები გუშინ გვიან ღამით დაიწყო და ამ დრომდე გრძელდება.

მეწყერმა საცხოვრებელი სახლიც ჩაიტანა, ოჯახის წევრებს ამ დრომდე ეძებენ. მათ შორის ერთი არასრულწლოვანია.

120 მეხანძრე-მაშველი და მძიმე ტექნიკა, დაახლოებით, 40 000 ტონა მეწყრულ მასაში მოყოლილი მოქალაქეების საძიებო სამუშაოებს 24-საათიან, უწყვეტ რეჟიმში განაგრძობენ. ადგილზე დამატებით მობილიზებული არიან სახელმწიფო უსაფრთხოების სამსახურის და თავდაცვის სამინისტროს გამნაღმველები, რომლებიც მეწყრულ მასაში მოყოლილ ავტომობილს ეძებდნენ. საძიებო სამუშაოები, ასევე, მიმდინარეობს მდინარე სატეხიაში, საიდანაც გადავარდნილი ავტომობილი უკვე ამოღებულია, ხოლო მისი მძღოლი დაკარგულია.

გვიან ღამით, აჭარაში სპეციალური აღჭურვილობით ჩავიდნენ დამხმარე ძალები სამეგრელოდან, იმერეთიდან, თბილისიდან და 60 მეხანძრე-მაშველი სამუშაოებში ჩაერთო. ასევე, 2 ოქტომბერს, დილით, 50-კაციანი ჯგუფი შესაბამისი აღჭურვილობით დაიძრა თბილისიდან.

გააზიარეთ და მოიწონეთ სტატია:

მსგავსი სტატიები:

საქართველოში კორონავირუსის 472 ახალი შემთხვევა გამოვლინდა საქართველოში კორონავირუსით კიდევ 4 ადამიანი გარდაიცვალა, სულ – 113 ქცევის წესები, რომლებიც აინშტაინმა ცოლისთვის შეადგინა “რახანია გურიაში სახლი აღარ დათოვლილა” “ქალის მიმართ ძალადობაზე, განსაკუთრებულად მგრძნობიარე ვარ” სააღდგომოდ გამკაცრებული კონტროლი – დაჯარიმებულია 63 საცხობი და საკონდიტრო ანსამბლი “რეხეული” ესპანელი რეჟისორის ფილმში მოხვდა ჯანმო ვაქცინების შერევის რეკომენდაციას არ იძლევა