”გვახსოვს ნათელაშვილის ფანჩატური, იქაც ხომ გაერთიანებული იყო მთელი ოპოზიცია და წააგეს – წარმატება გამორიცხულია, მით უმეტეს, როცა “ნაციონალურ მოძრაობასთან” ხარ რაიმე კოალიციაში” , – ამის შესახებ საპარლამენტო უმრავლესობის წევრმა ირაკლი ზარქუამ განაცხადა, რითაც “ნაციონალური მოძრაობის” მხრიდან რუსთავში, ბადრი ჯაფარიძის, როგორც მაჟორიტარობის კანდიდატის მხარდაჭერას გამოეხმაურა.
როგორც მან აღნიშნა, მიუხედავად გაყალბებაზე გაკეთებული არაერთი განცხადებისა, ამ გადაწყვეტილებით ხაზი გაესვა იმას, რომ ოპოზიცია არჩევნებს ენდობა.
“ამ გადაწყვეტილებით ხაზი გაესვა იმას, რომ თურმე ოპოზიცია საარჩევნო სისტემას ენდობა. ყვებოდნენ, რომ ყალბდება, საარჩევნო სისტემა უსამართლოა, თუმცა არჩევნებში მონაწილეობას იღებენ, ეს მნიშვნელოვანი დეტალია. კი ბატონო, აგერ არის არჩევნები, ღია და გამჭვირვალე, ყველას აქვს უფლება წარადგინოს თავის კანდიდატი ან გაერთიანდნენ, მაგრამ ჩვენ ხომ ვნახეთ, გვახსოვს ნათელაშვილის ფანჩატური, იქაც ხომ გაერთიანებული იყო მთელი ოპოზიცია და ხან რეფერენდუმი დაარქვეს, ხან გადამწყვეტი არჩევნები, მაგრამ ყველა წააგეს, რადგან განსხვავებული მორალის, პრინციპების და განსხვავებული ღირებულებების მქონე პარტია იყო გაერთიანებული, ამიტომ ასეთ გუნდს არასდროს ექნება წარმატება. მოსახლეობა გრძნობს, ვინ რისთვის იბრძვის, ამიტომ რუსთავში ძალიან მარტივად, დამაჯერებლად გაიმარჯვებს “ქართული ოცნების” კანდიდატი” – განაცხადა ზარქუამ.
მსგავსი სტატიები:
შარლ მიშელი საქართველოში ჩამოვიდა
“ყველაფერს აქვს დასაწყისი და დასასრული, ეს დასასრული წელს ოქტომბერში იქნება”
კარლ ჰარცელი ნინოწმინდის პანსიონზე: “ყველაზე მნიშვნელოვანი ბავშვების ინტერესებია”
ყოფილი პროკურორი: შეგვიძლია ვთქვათ, რომ სასამართლო არ გვაქვს
ზუგდიდში ოპოზიციის მერობის კანდიდატის თანაგუნდელების და პროგრამის პრეზენტაცია იმართება
გაგანია პანდემიის დროს აქციები, არ აქვს მნიშვნელობა ვინ მართავს, კატასტროფის მომტანია – კულუმბეგოვი
აბების მიღებაზე დაგვთანხმდა, ჰოსპიტალიზაციაზე უარი თქვა – კონსილიუმის წევრი მიხეილ სააკაშვილზე
“ადამიანი არის დავრდომილი… ეს ინსულტის წინაპირობაა”-ეკა ხერხეულიძე მიხეილ სააკაშვილის ჯანმრთელობის მდგომარეობაზე