გაეროში აცხადებენ, რომ შავ ზღვაში რუსული ძალების მიერ უკრაინის პორტების ბლოკადამ, შეიძლება, გლობალური სასურსათო კატასტროფა გამოიწვიოს, რაც, მსოფლიოს შიმშილამდე, პოლიტიკურ არასტაბილურობასა და მასობრივ მიგრაციამდე მიიყვანს, – ინფორმაციას უკრაინული მედია New York Times-ზე დაყრდნობით ავრცელებს.
გაეროს მსოფლიო სასურსათო პროგრამის აღმასრულებელმა დირექტორმა დევიდ ბიზლიმ განაცხადა, რომ უკრაინის საწყობები სავსეა მარცვლეულით, რაც, ჩვეულებრივ, მსოფლიოში წელიწადში 400 მილიონი ადამიანის გამოკვებას უწყობს ხელს, მაგრამ რუსეთის მიერ უკრაინის წინააღმდეგ დაწყებული ომის გამო, მიწოდების ჯაჭვი შეფერხებულია და პორტები ნორმალურად ვერ მუშაობენ.
„მთელი მსოფლიო გადაიხდის ფასს, თუ ჩვენ არ გავხსნით პორტებს”, – აღნიშნა დევიდ ბიზლიმ.
მან „დიდი შვიდეულის“ ლიდერებსა და სხვა სახელმწიფოების მთავრობებს მოუწოდა, გამოუყენებელ სასოფლო-სამეურნეო მიწებს მიხედონ იმისთვის, რომ უკრაინული და რუსული საკვების მარაგის შესაძლო დანაკარგები აანაზღაურონ. მისი თქმით, მსოფლიო ბაზარზე სურსათის ნაკლებობა და სურსათზე ფასების შემდგომი მკვეთრი ზრდა კატასტროფა იქნება ღარიბი ქვეყნებისთვის.
“თქვენ გექნებათ შიმშილი, სიკვდილი და შიმშილი. გექნებათ დესტაბილიზაცია და მასობრივი მიგრაცია”, – განაცხადა გაეროს წარმომადგენელმა.
მსგავსი სტატიები:
“ოცნებამ” გადადგა უზარმაზარი ნაბიჯი უფსკრულისკე- ბაქრაძე
პირველი მარტიან საბავშვო-ბაღები იხსნება
ძიმითი, ბუნებრივი სამკურნალო წყლებით მდიდარი სოფელი გურიაში
პედოფილიის კიდევ ერთი მძიმე ფაქტი საქართველოში – 18 წლის მამაკაცმა სამიზნედ 10 წლის გოგონა შეარჩია
ერთი ოქრო , ოთხი ვერცხლი და სამი ბრინჯაო ჩვენია!
აშშ-მ სამ ქართულ კომპანიას სანქციები დაუწესა და ე.წ. შავ სიაში შეიყვანა
არაოფიციალური ინფორმაციით, ღარიბაშვილი ივანიშვილს ხვდება
“მწუხარებასთან ერთად, ჩვენ განვიცდით სირცხვილს” – “ნოვაია გაზეტას” მთავარი რედაქტორი