„ქართული ოცნების“ თავმჯდომარემ, ირაკლი კობახიძემ საზოგადოებრივ მაუწყებელთან ინტერვიუში სალომე ზურაბიშვილის 2018 წლის საპრეზიდენტო კამპანია გაიხსენა და თქვა, რომ ეს იყო “უმძიმესი”, რადგან მათი კანდიდატი გუნდს არ უჯერებდა.
კობახიძის თქმით, სალომე ზურაბიშვილი წინასწარ გააფრთხილეს „აგვისტოს ომზე“ განცხადება არ გაეკეთებინა
“ეს იყო საარჩევნო კამპანია, რომლის გახსენებაც არ მინდა. უმძიმესი იყო. ანუ არ გვიჯერებდა მაშინაც. როცა კანდიდატი არ მოგყვება კამპანიაში, ამ შემთხვევაში ძალიან მძიმეა კამპანიის წარმოება. ტექნიკური საკითხებიც რომ ავიღოთ, კლიპი იყო გადასაღები და იმ კლიპის გადაღებაშიც არ მოგვყვებოდა. ასევე მაგალითად აქცია იყო დასაორგანიზებელი და იქ მოსვლაზე უარს ამბობდა.
ჩვენ რაც გვქონდა პიარული გეგმა, არ მოგვყვებოდა. მერე ჰქონდა კონკრეტული განცხადებები, რაზეც წინასწარ ვაფრთხილებდით, რომ არ უნდა გაეკეთებინა, მაინც გააკეთა, სამწუხაროდ. მაგალითად, ომთან დაკავშირებით განცხადება. ჯერ პირველი განცხადება გაკეთდა, მერე მოგვიწია ამის შელამაზება. ოპოზიციამ პირადად მეც შემაქო სხვათაშორის, კარგად შეალამაზეო… მერე მეორე ისეთი დაემატა, რომელიც მთლად შესალამაზებელი იყო. ესეთი რაღაცები იყო, მაგრამ ეს არის წარსული, რომლის გახსენებაც არ ღირს. დაყენებული იყო კანდიდატი და ბოლომდე მივყევით ამ კამპანიას და მთავარი ამოცანა იყო, რომ ნაცმოძრაობა არ მოსულიყო” – ამბობს კობახიძე.
მსგავსი სტატიები:
“ნასაკირალის ბრძოლამ დიდი შთაბეჭდილება მოახდინა უკლებლივ ყველაზე”
„მსგავსი მაისურით გამოცდებზე არ დაიშვებით“ – მოქმედებს თუ არა დრესკოდი ეროვნულ გამოცდებზე?
NCDC: “ზაფხულის ცხელი დღეები შესაძლოა, სიკვდილის მიზეზიც კი გახდნენ”
რა ფოტოებს ავრცელებს მანანა მანჯგალაძე სოფელ შრომიდან
“არც ერთი შიში არ ამართლებს იმ საშიშროებასთან შეგუებას, რაც შეიძლება მოხდეს”-ფანჯიკიძე სააკაშვილის ჰოსპიტალიზაციაზე
სოფელ ჯუგაანში 68 წლის ქალი მოკლეს
NGO-ები: საქართველოს მთავრობამ დასავლეთის მხარდამჭერი მკაფიო პოზიცია უნდა დაიკავოს
ჩემი შვილის დაანონსებულ სიკვდილს ვუყურებ – გიული ალასანია