”შორებელი ნათესავი გოგო გვყავდა ერთი, ობოლი მაყვალა. მანდამაინც არც კაი შესახედი იყო და არც გონება უბრწყინავდა, კეთილი კი იყო უსაშველოდ და გამრჯე, ყოჩაღი მეტი რომ აღარ იქნება იმფერი.
ხშრად რჩებოდა ჩვენთან კვირაობით, იყო მისდა, ბებიას ეხმარებოდა შინაურ საქმეებში, ბებია მელნისფერ ოცდახუთმანეთიანს ჩუქნიდა ყველა პენსიაზე. გვიყვარდა მაყვალიე, მგონია მასაც ვუყვარდით.
ერთ დღეს ზის მაყვალა ქუხნასახლის წინ მოლაზე, მარჯვენა მხარეს უწყვია ადამკოკოს გაუხეხავი ქვაბები, ჟანგარიანი ჩახნები და თუჯის ტაფები, მომარაგებული აქვს სილა, ლეღვის ფოთოლი, გაცრილი ნაცარი და სარეცხი საპონი, ხეხავს თავგადადებული და გახეხლებს აწყობს მარცხენა მხარეს. ჩამუუარს ბებიაჩემი ალალივით აიღებს რომელიმეს მარცხენა მხარიდან და გადაუწყობს გაუხეხავებში მარჯვენა მხარეს. მაყვალიე არ ჩივა ენას, ხეხეხავს, ხეხავს. არვიცი მერამდენედ ჩამოუარა ბებიამ, დაუწუნა საქმე და უთხრა:
-რა გჭირს ცა რაი, თუ გავს ახლა აი ქალის ნაქნარს?
მეტი ვეღარ მოითმინა მაყვალიამ მის კაი ქალობას რომ შეეხნენ და შეეპასუხა:
-ვის ქალობაზე ლაპარიკობ მერიკო, შენ გგონია არ მესმოდა წუხელის რა ამბავში იყავი ბაბუასთან?
ბებიაჩემი ჯერ გაჩერდა, მიიხედ მოიხედა , გადაამოწმა ვინმე ხომ არ უსმენდათ.
-გაჩერდი გოგო, გეიტრუნე, გადავტრუალდი, გადმოვტრუალდი.
ნახევრად შავი, დიდი სახაჭაპურე ტაფა კი გახეხილების მხარეს დადო.”
გურია, ოზურგეთი, ასკანა. 2022 აგვისტო
ზურა შევარდნაძე
ფოტო #ზაქარიაჭელიძე
გააზიარეთ და მოიწონეთ სტატია:
მსგავსი სტატიები:
” არ არსებობს მამაკაცზე საცოდავი არსება”
“ზურიკო, გიგზავნი ერთ ვედრო ბალს”, წელს დაიგვიანა, ძალიან ველოდებოდი.. აღარ მოვიდა-რას იხსენებს ზურა შევარდნაძე
მედიკამენტები, რომლებსაც სახელმწიფო დაგიფინანსებთ – ნახეთ, დაავადება და სამკურნალო საშუალებების ჩამონათვალი
ცოტა ღმერთიც მომეხმაროსო, ამბობდა – ნინო შუბლაძე კოვიდინფიცირებული დის უკანასკნელ დღეებზე
გამყრელიძე: სწავლის დაწყებისას ყველა სტუდენტი და მასწავლებელი ორჯერადად უნდა იყოს აცრილი
როგორი ამინდი იქნება 16 ნოემბრამდე – გარემოს ეროვნული სააგენტოს პროგნოზი
ნოეს ლეგენდა – ლეგენდა ბარონ დე ბაის ჩააწერინა ექვთიმე თაყაიშვილმა
გაძვირდება თუ არა პური საქართველოში?