ბახმაროში საოჯახო სასტუმრო დაიწვა

ბახმაროში, ცოტა ხნის წინ საოჯახო სასტუმრო დაიწვა. ააიპ ბახმაროს დირექტორის დავით საჯაიას ინფორმაციით, სასტუმრო მამუკა კეჭაყმაძეს ეკუთვნოდა: _ რამდენადაც ვიცი სტუმრებიც იყვნენ. ვერ გეტყვით რამ გამოიწვია ხანძარი, მაგრამ შემიძლია გითხრათ, რომ სასტუმროში მყოფი ყველა პირი კარგადაა, _ აღნიშნა ჩვენთან საუბრისას საჯაიამ. აღსანიშნავია, რომ ამ დროისთვის, ბახმაროში საავტომობილო მიმოსვლა შეჩერებულია. კურორტზე 2 მეტრზე დიდი თოვლია და იქ მოხვედრა მხოლოდ ბურანით არის შესაძლებელი.
მიუხედავად იმისა, რომ ბახმაროს ზამთრის კურორტის სტატუსი არ აქვს, იქ არც წყალია, არც ელექტროენერგია და არც გზა, ბოლო რამდენიმე წელია ტურისტები აქტიურად სტუმრობენ.
ადგილზე ვერც სახანძრო სამაშველო სამსახური მივიდა.
გააზიარეთ და მოიწონეთ სტატია:
Pin Share