“ხალხის ძალის” კანონპროექტმა თავისი მნიშვნელოვანი საქმე გააკეთა სხვადასხვა თვალსაზრისით. პირველი – ყველამ აღიარა, რომ აგენტობა არის სათაკილო საქმე, ვისი აგენტიც არ უნდა იყო. ეს არის პირველი მიღწევა, რაც აქვს ამ კანონპროექტს. მეორე, ასევე ყველამ გაიგო, რომ ის ორგანიზაციები, რომლებიც სხვადასხვა არასახელმწიფოებრივ საქმიანობაში არიან ჩართული, როგორებიც არის, მაგალითად, მთავრობის გადადგომის მოთხოვნა სცენიდან, რაც არ არის არასამთავრობო ორგანიზაციების საქმე, ასევე გაუყალბებელი არჩევნების გაყალბებულად გამოცხადება, პარალელური ხმის დათვლის გაყალბება, ეკლესიის გინება, ლგბტ პროპაგანდა, პროვოკაციების მოწყობა ე.წ. სამხრეთ ოსეთის ე.წ. საზღვართან, სინამდვილეში, არიან არა ქართველი ხალხის აგენტები, არამედ უცხოური გავლენის აგენტები. ეს არის მეორე ინფორმაცია, რომელიც ამ კანონპროექტმა გაუზიარა ქართულ საზოგადოებას ძალიან ცხადად და მკაფიოდ” – განაცხადა პარტია “ქართული ოცნების” თავმჯდომარემ, ირაკლი კობახიძემ.
“შესაბამისად, მესამე მნიშვნელოვანი გზავნილი, რაც აქვს ამ კანონპროექტს არის ის, რომ ვერასოდეს განხორციელდება ბაკურიანის გეგმა, ანუ არასამთავრობო ორგანიზაციების ხელით საქართველოში „ნაცმოძრაობას“ ხელისუფლებაში ვერავინ დააბრუნებს. ეს არის სამი მნიშვნელოვანი გზავნილი, რაც ამ კანონპროექტმა მოიტანა.
ამისათვის მადლობას ვუხდი „ხალხის ძალის“ გუნდს, რომელმაც დააინიცირა ეს კანონპროექტი, ასევე, თითოეულ დეპუტატს, რომელმაც ამ კანონპროექტს პირველი მოსმენის დროს მხარი დაუჭირა. ჩვენ მივიღეთ პრინციპული გადაწყვეტილება, ბევრ რამეს გავუწიეთ ანგარიში და დღეს ეს გადაწყვეტილება იქნა გაფორმებული პარლამენტში. შესაბამისად, ჩვენ ვიმოქმედებთ ჩვენი პასუხისმგებლობის მიხედვით“, – განაცხადა ირაკლი კობახიძემ.
მსგავსი სტატიები:
სააკაშვილი: „რა თქმა უნდა, ივანიშვილი დასრულებულია“
“… ამიტომ არის ნიკა მელია უპირობო ლიდერი”
მერაბ ჭანუყვაძის კედლიდან წაშლილი პოსტები _ ‘ოცნებაში“ დიდი გარჩევები დაიწყო
“ეს იყო კაციჭამიების კორპორაციის განცხადება – დარწმუნებული ვარ, რომ პატრიარქს ეს წაკითხულიც არ აქვს”-ნიკა გვარამია საპატრიარქოს “სადამსჯელო” განცხადებაზე
“სიცოცხლე მიხეილ სააკაშვილს” – კლინიკების ასოციაციის ხელმძღვანელმა შიმშილობა დაიწყო
კულტურის სამინისტროსთან აქცია იყო ერთი დიდი ანეკდოტი – თეა წულუკიანი
რა მიზანი ჰქონდა ხელისუფლების ზურგს უკან ბიძინა ივანიშვილთან შეხვედრას? – აშშ-ის ელჩთან კითხვები პაპუაშვილსაც აქვს
“არც ერთი კანდიდატი არ იმსახურებს ომბუდსმენის პოსტს….ვინც აგენტების შესახებ კანონის წინააღმდეგ მოძრაობის ავანგარდში არ არის”– ლომჯარია