ევროპული საბჭო შარლ მიშელისა და სალომე ზურაბიშვილის შეხვედრის შესახებ ინფორმაციას ავრცელებს, სადაც ნათქვამია, რომ ევროპული საბჭოს პრეზიდენტმა და საქართველოს პრეზიდენტმა შეხვედრისას განიხილეს ევროკავშირისა და საქართველოს ურთიერთობები, ასევე რეგიონში განვითარებული მოვლენები და რუსეთის მიერ უკრაინის წინააღმდეგ აგრესიული ომის შედეგები საქართველოსა და სამხრეთ კავკასიისთვის.
“პრეზიდენტმა მიშელმა ხაზი გაუსვა ევროპის საბჭოს გადაწყვეტილებას საქართველოს ევროპული პერსპექტივის მინიჭების შესახებ, როგორც ისტორიულ შესაძლებლობას, რომლის ხელიდან გაშვება არ შეიძლება.
მან კიდევ ერთხელ დაადასტურა ევროკავშირის ვალდებულება, მხარი დაუჭიროს საქართველოს ევროპულ გზაზე წინსვლაში. მან ასევე ხაზი გაუსვა ქვეყნისთვის საჭირო რეფორმების გაღრმავების აუცილებლობას, განსაკუთრებით მართლმსაჯულების, დეოლიგარქიზაციისა და ანტიკორუფციული და მედიის პლურალიზმის სფეროებში; ასევე პრიორიტეტულია დეპოლარიზაცია და ინკლუზიური პოლიტიკური კულტურის ჩამოყალიბება.
პრეზიდენტმა მიშელმა შეაქო საქართველოს პრეზიდენტის პირადი ვალდებულება საქართველოს ევროპული პერსპექტივის წინსვლისთვის.
განსაკუთრებით დასაფასებელია როლი, რომელიც მან შეასრულა საკანონმდებლო ზედამხედველობის ხელშეწყობისა და პირების შეწყალების უფლების გამოყენების თვალსაზრისით, რამაც ხელი შეუწყო დეპოლარიზაციას.
პრეზიდენტმა მიშელმა კიდევ ერთხელ დაადასტურა ევროკავშირის ურყევი მხარდაჭერა საქართველოს ტერიტორიული მთლიანობისა და სუვერენიტეტისადმი საერთაშორისოდ აღიარებულ საზღვრებში. ” ნათქვამია პრესრელიზში.
შეგახსენებთ, სალომე ზურაბიშვილი ბრიუსელში შარლ მიშელს დღეს შეხვდა.
მსგავსი სტატიები:
“ამ სისტემის დემონტაჟი აუცილებელია“-აკაკი ბობოხიძე
EMA უარყოფს, ასტრაზენეკას ვაქცინასა და თრომბის განვითარებას შორის კავშირი დადგინდა
“ცოტა ამოგვასუნთქეს, ბევრი რომ არ გაგვეხურებინა”
ხუხაშვილი: გახარიას პიჯაკის მარჯვენა ჯიბეში სააკაშვილის სურათი უდევს
ჯო ბაიდენი ყველა ფედერალური მუშაკისთვის ვაქცინაციას სავალდებულოს გახდის
“ესენი ხელისუფლებიდან რომ წავლენ (მალე), შეიკრიბებიან ხოლმე…საგიჟეში, ციხეში, ამათთვის გაშენებულ სპეციალურ დასახლებაში, თუ…?”-ნიკა გვარამია
“რაც მეტად ცდილობს პუტინი კედლის მეორე მხარეს დამალვას…მით უფრო მკაცრი ტაქტიკა შეიძლება გამოიყენოს”- ბაიდენი
საქართველო რუსეთისთვის შეზღუდვების თავის არიდების გზად არ უნდა იქცეს – სალივანი ზურაბიშვილს