თეთრი სახლი საქართველოს პრეზიდენტის, სალომე ზურაბიშვილისა და აშშ-ს პრეზიდენტის ეროვნული უსაფრთხოების საკითხების მრჩევლის, ჯეიკ სალივანის შეხვედრისას განხილულ მთავარ საკითხებთან დაკავშირებით ინფორმაციას ავრცელებს.
შეხვედრაზე განხილული იყო საქართველოში ბოლო დროს განვითარებული მოვლენები. მხარეებმა ისაუბრეს რუსული კანონის მიღების ინიციატივასთან დაკავშირებით. თეთრი სახლი გამოკვეთს კანონის მიღების შემთხვევაში, მის მოსალოდნელ უარყოფით შედეგებს და მიესალმება მისი გაწვევის გადაწყვეტილებას.
თეთრი სახლის ცნობით, საქართველოს პრეზიდენტმა ჯეიკ სალივანთან ქვეყნის ევროინტეგრაციასა და ევროკავშირში გაწევრიანებაზეც ისაუბრა.
ჯეიკ სალივანმა საქართველოს მოუწოდა, არ იქცეს რუსეთისათვის სანქციების თავიდან არიდების გზად.
“დასასრულს მათ [სალომე ზურაბიშვილმა და ჯეიკ სალივანმა] განიხილეს საჭიროება იმისა, რომ რუსეთმა მთელი სიმძაფრით იგრძნოს აშშ-სა და 30-ზე მეტი მოკავშირე ქვეყნის მიერ დაწესებული სანქციების ეკონომიკური შედეგები. ეს მნიშვნელოვანია, რათა პუტინმა უკრაინაში დაწყებული ომისთვის პასუხი აგოს. ბატონმა სალივანმა ხაზგასმით აღნიშნა, რომ საქართველო რუსეთისთვის არსებული შეზღუდვების თავის არიდების გზად არ უნდა იქცეს”. – წერს თეთრი სახლი.
საქართველოს პრეზიდენტი, სალომე ზურაბიშვილი აშშ-ს პრეზიდენტის ეროვნული უსაფრთხოების საკითხების მრჩეველს, ჯეიკ სალივანს შეხვდა.
შეხვედრის ამსახველ ფოტოს ზურაბიშვილი Twitter-ზე აქვეყნებს.
“მადლობა აშშ-ს ქართველი ხალხის მხარდაჭერისთვის და მისი ერთგულებისთვის დემოკრატიული ღირებულებებისა და საქართველოს ევროინტეგრაციის მიმართ”. – წერს საქართველოს პრეზიდენტი Twitter-ზე.
მსგავსი სტატიები:
დღეს ნანა მჭედლიძის დაბადების დღეა – რეჟისორი 95 წლის გახდებოდა
ექსკლუზივი-ვინ იქნებიან ენმ-ის სიის პირველ ხუთეულში ლანჩხუთში
“მიიღო ფაფები და ნატურალური წვენები და ღებულობს ახლაც” | იუსტიციის მინისტრი მიხეილ სააკაშვილზე
რა განაჩენი გამოუტანა ოზურგეთის სასამართლომ ენმ-ის დეპუტატებს
“დაუცველის მიზანში ამოღებაზე ამაზრზენი ცოტა რამაა… პუტინს პასუხს ვაგებინებთ” – ჯონსონი
80 ათასი ემიგრანტი და ქვეყნიდან წასვლის ათასობით მსურველი – საქართველო ქართველების გარეშე
„რა ზრდილობა და კულტურა? რა მამაკაცის ქალთან დამოკიდებულების ქართული ლეგენდა?… დიდი პრობლემა გვაქვს კარგა ხანია“
გურული გვარები – ჯაში, ტუღუში, ღლონტი, ჟღენტი და ჯიბუტი