ივანიშვილი იძახდა „მარგველაშვილი ჩემი შეცდომა კი არა, ჩემი კურიოზიაო“, ალბათ, ახლა ამბობს, რომ სალომე ზურაბიშვილიც კურიოზია – ბერძენიშვილ

სალომე ზურაბიშვილი სადაც უფრო ძლიერად გრძნობს თავს, იქ შეიძლება მივიდეს. თვითონ ჩათვლის, სასამართლოში უფრო მაგარია, როგორც იურისტი, თუ პარლამენტშია უფრო მაგარი, როგორც საქართველოს პრეზიდენტი, – ამის შესახებ “რესპუბლიკური პარტიის” ერთ-ერთმა ლიდერმა, დავით ბერძენიშვილმა განაცხადა.

როგორც ბერძენიშვილმა „პალიტრანიუსის” გადაცემაში „360 გრადუსი” აღნიშნა, მაღალი ალბათობით სალომე ზურაბიშვილი იქნება საქართველოს პრეზიდენტი მთელი 1 წლის განმავლობაში.

„არ მგონია არსებითი ხასიათის შედეგი გამოიღოს საკონსტიტუციო სასამართლოს ასეთმა თუ ისეთმა გადაწყვეტილებამ, ან სასამართლოშივე გაჩერდება პროცესი, ან პარლამენტში იქნება კენჭისყრა. ის 12-13 ხმა, რაც საჭიროა იმპიჩმენტისთვის, არ მგონია „ქართულმა ოცნებამ” ოპოზიციიდან მოიპაროს. არ მგონია, რომ ამდენი ცრუ ოპოზიციონერი აღმოჩნდება პარლამენტში, შეიძლება ერთს ან ორს შეეშალოს, მაგრამ 12 და 13 ვერ იზამს.

ისევე, როგორც გიორგი მარგველაშვილში შეცდა ბიძინა ივანიშვილი, როგორც თვითონ იძახდა „მარგველაშვილი ჩემი შეცდომა კი არა, ჩემი კურიოზიაო” (უმრავლესობის სხდომაზე აქვს ნათქვამი ბიძინა ივანიშვილს) ალბათ, ახლა ამბობს, რომ სალომე ზურაბიშვილიც კურიოზია.

მაღალი ალბათობით სალომე ზურაბიშვილი იქნება საქართველოს პრეზიდენტი მთელი 1 წლის განმავლობაში.

სალომე ზურაბიშვილი, სადაც უფრო ძლიერად გრძნობს თავს, იქ შეიძლება მივიდეს. თვითონ ჩათვლის სასამართლოში უფრო მაგარია, როგორც იურისტი, თუ პარლამენტშია უფრო მაგარი, როგორც საქართველოს პრეზიდენტი. მოლოდინი მაქვს, რომ მის წინააღმდეგ დაწყებულ პროცესს სათავისოდ გამოიყენებს საკუთარი ავტორიტეტის ასამაღლებლად”,- განაცხადა ბერძენიშვილმა.

მისივე შეფასებით, თუკი საქართველო კანდიდატის სტატუსს მიიღებს, სალომე ზურაბიშვილი თავს იგრძნობს, რომ ამ საქმეში მისი როლი უმნიშვნელო არ იყო.

„სალომე ზურაბიშვილს მოსწონს შარლ მიშელთან სიარული, მაკრონთან შეხვედრები, ლიეტუვის პრეზიდენტთან შეხვედრები. როლშია შესული და ეს ქვეყნისთვის დღეს პოზიტიურია. თუკი კანდიდატის სტატუსი მივიღეთ, სალომე ზურაბიშვილი თავს იგრძნობს, რომ ამ საქმეში თავისი როლი უმნიშვნელო არ იყო. თუკი ვერ მივიღეთ, ამაზეც ის საკუთარ სიტყვას მყარად იტყვის”,- განაცხადა ბერძენიშვილმა.

გააზიარეთ და მოიწონეთ სტატია:

მსგავსი სტატიები:

რა დასკვნა დაიდო ადამიანების უფლებების დარღვევაზე- HRC 2020 წლის ანგარიში ევროკავშირსა და რუსეთს შორის ურთიერთობა რთულდება – ბორელი “ღმერთო, დალოცე ამერიკა და გადააშენე ეს მავნებლები” – ნინო ჯანგირაშვილი ნიკოლოზ ბასილაშვილი კარიერაში პირველად “მასტერსის” ფინალში გავიდა რა ხარვეზები გამოვლინდა დაბა ნასაკირალის ახალი საჯარო სკოლის აშენების შემდეგ- განათლების სამინისტრო ინფორმაციას ავრცელებს ”მესამე პრეზიდენტს მიზანმიმართულად აწამებენ, მისი სიცოცხლე უნდა გადავარჩინოთ” ჩემს პირად ცხოვრებაში ორი ომია: ერთი უკრაინის წინააღმდეგ, მეორე მიხეილ სააკაშვილის ომი – ლიზა იასკო “დადგინდეს, ხომ არ ჰქონდა ადგილი ფიზიკური ძალადობით განხორციელებულ დევნას, აზრის გამოხატვის გამო” – ომბუდსმენი მიშა მშვილდაძეზე თავდასხმაზე