პარლამენტმა მეორე მოსმენით მხარი დაუჭირა რეგლამენტში დაგეგმილ ცვლილებებს, რომლის მიხედვითაც, 2025 წლის პირველი იანვრიდან, მომდევნო მოწვევის პარლამენტის წევრებსა და თანამდებობის პირებს ხელფასები გაეზრდებათ. ცვლილებებს მხარი 83-მა დეპუტატმა დაუჭირა, წინააღმდეგი 0 იყო.
კანონპროექტის ინიციატორი შალვა პაპუაშვილია, რომელმაც მანამდე განმარტა, რომ ეს არა ხელფასების ზრდა, არამედ თანხის შესაბამისობაში მოყვანა იმ კოეფიციენტებთან, რომლებიც 2017 წელს დადგინდა.
რას ითვალისწინებს დოკუმენტი:
- პარლამენტის თავმჯდომარეს – 10 000 ლარი [არსებული ხელფასი: 6 740 ლარი];
- პარლამენტის თავმჯდომარის პირველ მოადგილეს – 9 500 ლარი [არსებული ხელფასი: 6 400 ლარი];
- პარლამენტის თავმჯდომარის მოადგილეს – 9 250 ლარი [არსებული ხელფასი: 6 340 ლარი];
- კომიტეტის თავმჯდომარეს, ფრაქციის თავმჯდომარეს – 9 000 ლარი [არსებული ხელფასი: 5 540 ლარი];
- კომიტეტის თავმჯდომარის პირველ მოადგილეს, ფრაქციის თავმჯდომარის პირველ მოადგილეს – 8 750 ლარი [არსებული ხელფასი: 4 800 ლარი];
- კომიტეტის თავმჯდომარის მოადგილეს, ფრაქციის თავმჯდომარის მოადგილეს – 8 500 ლარი [არსებული ხელფასი: 4 740 ლარი];
- პარლამენტის წევრს, რომელიც არ არის პარლამენტის თანამდებობის პირი – 8250 ლარი [არსებული ხელფასი: 4 624 ლარი].
აქვე, ინიცირებულ კანონპროექტში დეპუტატის გარდაცვალების შემთხვევაში მისი ოჯახისთვის ფულადი დახმარების საკითხიცაა განხილული. დოკუმენტში წერია ისიც, რა მოხდება იმ შემთხვევაში, თუ პარლამენტის წევრი უფლებამოსილების განხორციელებისას შშმ პირად იქნება აღიარებული:
- “თავდასხმის შედეგად პარლამენტის წევრის გარდაცვალებისას გარდაცვლილის ოჯახს ეძლევა ერთჯერადი ფულადი დახმარება 20 000 ლარის ოდენობით.
- პარლამენტის წევრის გარდაცვალებისას გარდაცვლილის ოჯახს ეძლევა ერთჯერადი ფულადი დახმარება 15 000 ლარის ოდენობით.
- პარლამენტის წევრს, რომელიც უფლებამოსილების განხორციელების პერიოდში აღიარებულ იქნა შეზღუდული შესაძლებლობის მქონე პირად, ეძლევა ერთჯერადი დახმარება 15 000 ლარის ოდენობით “, – წერია კანონპროექტში.
კანონპროექტის ავტორები თვლიან, რომ დეპუტატებისა და საპარლამენტო თანამდებობის პირების
ხელფასების ზრდა საქართველოს ბიუჯეტს წლიურად 5.7 მილიონი ლარი დაუჯდება.
მსგავსი სტატიები:
ვიდეო: გურიის გუბერნატორის კომენტარი გომისმთაზე მომხდარ ტრაგედიაზე
“ინდური შტამი” ქვეყანაში ინფექციის შემთხვევების მატების რისკს ქმნის
“კვირის ბოლოს ჯანდაცვის სამინისტრო საკოორდინაციო საბჭოს ახალი რეკომენდაციებით მიმართავს”
როცა ივანიშვილი გაიქცევა, ღარიბაშვილს დაიჭერენ და ისტორიაგამძლე მურუსიძე ადაპტაციას შეეცდება- ლაშა ბუღაძე
მეცნიერებმა სამყაროში ყველაზე დიდი გალაქტიკა აღმოაჩინეს
უკრაინაში ფართომასშტაბიანი შეჭრა არ მოხდება – მიხეილ სააკაშვილი ძირითად მიზეზებს ასახელებს
არ მეცოდება, მიშა სააკაშვილი იმსახურებს ყველაზე უარესს, არ მეწყინება (სიკვდილი) – ვიქტორ ჯაფარიძე
საქართველომ ისწავლა წარსულის გაკვეთილებზე, იმედია EU-ც გადააფასებს თავის როლს – პაპუაშვილი