“არასოდეს იქნება მშვიდობა ჩვენნაირი ქვეყნებისთვის, თუ რუსეთი არ შეიცვალა – ამის ერთადერთი გზა უკრაინაში დამარცხებაა” – ზურაბიშვილი

“არასოდეს იქნება მშვიდობა ჩვენნაირი ქვეყნებისთვის [საქართველო, მოლდოვა, უკრაინა], თუ რუსეთი არ შეიცვალა – ამის ერთადერთი გზა უკრაინაში დამარცხებაა”, – ამის შესახებ საქართველოს პრეზიდენტმა სალომე ზურაბიშვილმა ლონდონში, Chatham House-ის – საერთაშორისო საქმეთა სამეფო ინსტიტუტის ორგანიზებულ ღონისძიებაზე სიტყვით გამოსვლისას ისაუბრა.

“საქართველომ რომ გააგრძელოს ეს გზა და ნამდვილად შევიდეს ევროპულ ოჯახში როგორც სრულფასოვანი წევრი, იმისთვის რომ გავიაროთ ეს გზა, მივუახლოვდეთ იმ ჰორიზონტს და მოვახდინოთ ტრანსფორმაცია ამ ქვეყნის, როგორც არა პოსტსაბჭოთა ქვეყანა, არამედ როგორც ნამდვილი ევროპული ქვეყანა, მთავარი გამოწვევა რჩება რუსეთი – დიდი გამოცდილება გვაქვს, რას ნიშნავს რუსეთის მეზობლობა და ვიცით, რას ნიშნავს, როცა ის თავს ესხმის სხვადასხვა ქვეყანას. ვერ მოხდება საქართველოს დახმარება ამ გზაზე, თუ არ მოხდება უკრაინის მხარდაჭერა… არასოდეს იქნება მშვიდობა ჩვენნაირი ქვეყნებისთვის როგორიცაა საქართველო, მოლდოვა, უკრაინა, თუ არ იქნება მშვიდობა და უსაფრთხოება, რუსეთი თუ არ შეიცვალა და მხოლოდ ერთი გზა რომ შეიცვალოს რუსეთი, ეს არის ის, რომ უკრაინაში დამარცხდეს, ეს ყველას პასუხისმგებლობაა”, – განაცხადა ზურაბიშვილმა. 

• “საქართველოს დნმ-ის კოდშია ჩადებული, რომ ევროპული ქვეყანა იყოს” | სალომე ზურაბიშვილი Chatham House-ის ღონისძიებაზე

ღონისძიებაში მონაწილეობენ ორგანიზაციის წევრი პოლიტიკოსები, დიპლომატები, აკადემიკოსები, ბიზნესის წარმომადგენლები და ახალგაზრდები. პრეზიდენტის ადმინისტრაციის ცნობით, ღონისძიებაზე სალომე ზურაბიშვილს Chatham House-ის თავმჯდომარე, ევრაზიის პროგრამის დირექტორი, ჯეიმს ნიქსი მასპინძლობს.

საერთაშორისო საქმეთა სამეფო ინსტიტუტი ლონდონში მოქმედი ბრიტანული ანალიტიკური ცენტრია, რომლის მიზანია გააანალიზოს და ხელი შეუწყოს ძირითადი საერთაშორისო საკითხებისა და მიმდინარე მოვლენების გააზრებას.

გააზიარეთ და მოიწონეთ სტატია:

მსგავსი სტატიები:

სამსახურში ხიდისთავიდან ვივლი- გურიის გუბერნატორის პირველი კომენტარი სახალისო ფოტო-კვერცხი არა აქვს და ქილიდან გეგმავს გამოჩეკვას “გილოცავთ ბატონო პრემიერო, საქართველოში ნამდვილად დადგა ის დღე, როცა ქუჩაში გამოსვლა საშიშია” “მოდით ღარიბაშვილს დავარქვათ “ჰიტლერი 2” – ლამარა აბჟანდაძე ირაკლი ღარიბაშვილზე ტოლსტოი და გურიის გლეხთა მოძრაობა უკრაინელებმა ბელარუსის ტერიტორიიდან კიევის მიმართულებით გასროლილი რაკეტა ჩამოაგდეს რასაც ახლა ვხედავთ, ეს ჯერჯერობით არის პოლიტიკური თავბრუსხვევები “ნაცმოძრაობაში” – არჩილ თალაკვაძე “ქოცმედია გვიმალავს, მაგრამ გაღატაკებული რუსეთისგან მარტო ქოცელიტა იხეირებს თავისი “შავი კანალებით“ – ნინო ჯანგირაშვილი