“დიდი ათის” რეგულარული დასრულდა – ოზურგეთელი რაგბისტები ბოლოდან მეორეა

საქართველოს რაგბისტთა პირველობაზე გასული კვირის მიწურულს ბოლო ტურის მატჩები გაიმართა

ოზურგეთის “არწივებმა’ ქუტაისის “არესი” მიიღო და დამარცხდა 5-29; ეს იყო “დიდი ათის” ბოლო, მე-18 ტური, სადაც დებიუტანტმა გურულებმა სამი მატჩი მოიგეს, ერთი ფრედ დაასრულეს და 14 წააგეს, დააგროვეს 18 ქულა, დაიკავეს მე-9, ანუ ბოლოდან მეორე ადგილი და უმაღლესში ადგილის შესანარჩუნებლად პირველი ლიგიდან არზევებისათვის მებრძოლ კლუბთან მოუწევს რკენა.

არწივები 5:29 არესი

ქუთაისის ‘არესმა’ ფოთში, „პარკი არენაზე“ უმოტივაციო ოზურგეთის ‘არწივებს’ ბონუსით, 29:5 აჯობა და ფლეი ოფში მე-4 ადგილით გავიდა, რითაც პირველ ეტაპზე საკუთარი მოედნის უპირატესობა დაიბევა, პარალელურად კი „სარბიელის სინი“ შეინარჩუნა. შეგახსენებთ, დებულების თანახმად ფლეი ოფში სინი არ თამაშდება, რაც იმას ნიშნავს, რომ ის ქუთაისში, ‘არესის’ ოფისში გამოიზაფხულებს.

ფოთში ‘არესი’ მურთაზ ცხადაძის ლელოთი დაწინაურდა, მე-19 წუთზე ლელო ნგლენ თაკაუტინმა მიითვალა, ბონდო აბაშიძემ კი ერთი გარდასახვა და ჯარიმა გამოიყენა – 0:15.

მეორე ტაიმის დასაწყისში ცხადაძემ თავისი მეორე ლელო გაიტანა და აბაშიძემ გარდასახა. პენიასი რანგატამ მასპინძლების ერთადერთი ლელო 65-ე წუთზე გაიტანა, რაზეც გაწითლებულ დროში ნიკა ძნელაძემ უპასუხა და საკუთარ გუნდს ბონუსიც შესძინა, გიორგი თევდორაძემ კი გარდასახვით საბოლოო შედეგი დააფიქსირა – 5:29 ‘არესის’ სასარგებლოდ.

ოზურგეთის ‘არწივებმა’ დიდ 10-ში სადებიუტო სეზონი მე-9 პოზიციაზე დაასრულა და უძლიერესთა შორის დასარჩენად პირველი ლიგის მეორეადგილოსანს ორმატჩიან ფლეი ოფში ერკინება.

რეგიონალ ლიგაში მოასპარეზე ჩოხატაურის “ჯანმა” მესამე ადგილი დაიკავა, რაც მას ამავე ლიგაში ადგილის შენარჩუნების საშუალებას მისცემს

დიდი ათი

რეგიონალ ლიგა

გააზიარეთ და მოიწონეთ სტატია:

მსგავსი სტატიები:

ვინ არის ქართული ფეხბურთის ამომავალი ვარსკვლავი, რომელიც 25 მილიონად იყიდება 2021 წელს ფეხბურთის ფედერაცია სახელმწიფოსგან თეთრსაც აღარ აიღებს- კობიაშვილი რაგბში საქართველომ რუსეთს 23-6 მოუგო “საკმაოდ ძლიერ ჯგუფში მოვხვდით“ _ ლანჩხუთელი სპეციალისტი ქალთა მსოფლიო პირველობის კენჭისყრის შესახებ მახარაძის “სიხარული”, ლანჩხუთის “გურია” – 4:0 (1959 წელი) ლაშა შავდათუაშვილი ტოკიოს ოლიმპიურ თამაშების ნახევარფინალშია ძალოსანი ნათია გადელია მსოფლიო ჩემპიონი რეკორდებით გახდა თუ რაღაც ისე ვერ წავიდა, იცოდეთ ძალიან მიყვარხართ – ლაშა ბექაური